انا ماني مرتاحه 😥

الله يعين  

مو مجبورة تنزلين لها دايم تعذري لاقاللت انتي حية ولا ميتة قولي حية ماجت ساعتي للحين واذا سالوك ليش مانزلتي قولي تعبانة ظهري يوجعني معدتي راسي اللي هو ولا تعذري بغسل الملابس واذا قالت مسخوطة قولي المسخوط العدو ان شاءالله والسخاطة ياخالة لاهي باامي ولا باابوي وقولليها كانك تضحكين يعني ماكانك جدية هذة انتبهي تحتكين معها واذا جوو ضيوف ولا علمتك لااشوفك نازلة الا قبل العشا عشان ماتشتغلين دامها ماتعلمك معناه مستغنية عنك

ههههههه يختي الحموات هذول. عندنا نقول عن ام الزوج حماه
الزبده ماعليك منها. مسخوطه ومجلوطه. طنشي وابتسمي
جدة زوجي كل ملتشوفني تقولي وش هاللون اللي طايحين فيه تقصد صبغتي لون العسلي الفااتح. وتقولي يا شهبااء قدام زوجي وعمتي. انا ابتسم واقولها هذي الموضه. وفعلا مشهبني وخلاص بغيره. يعني اخذها عقدها. واطالع بزوجي ابيه يرد. يقول شي ابدا كان محايد. واذا دنقت ظهري وبان طرف ظهري من ورا شي بسييييط تفضح الدنيا وتجيبها عانهم بنات غيري يعني تدق بالكلام وبرضوا قدام زوجي واهله. البنات هذول ماترتاح الا لما تتفصخ و و. واقعد اضحك. واناديها يا جده ودايم اتصل فيها. صارت تحبني وماترضى احد يزعلني يعني لحست مخها

انتي سوي كذا. اضحكي وامزحي معاها. وابسطيها. وربي راح تموت فيك

وعن تجربه عندي مرة اخ امي تمووووووووووووت فيها. لدرجة تفضلها علينا
والسر ان مرة اخوي هذي لا جت امي او هي امي جتها. تسلم عامي وتبوس يدها وتضم امي. وترحب فيها ولا شافتها بمكان عام تطير طيران عامي. وتسوي لها اكلات تحبها وتجامل امي بشكل مو طبيعي واذا امي قالت شي يزعل هي تضحك وتقول معك حق. وصادقه وربي لدرجة امي تقول لها انتي البنت اللي ماجابتك بطني
والله مره تهاوشنا مع زوجة اخوي هذي. صارت امي تبكي ماتبي احد يزعلها ,!!!!!

حرييييييم يعرفوا يكيدوا وبصراحه تعلمت منها

الله يعين من تعيش مع اهل الزوج

الاغلبيه ماتلقى الا اللي يتعسها

مابيدك شيء وشبيدك تسوين
ترفعين لسانك على وحده كبيره مستحيل
وشبيدك الا الصبر وتطلعين ببيت بحالك بعيد عنهم بحي ثاني
خلك بعيد تصير حبيب

لي قريبه زيك بالضبط
هي الزوجه لولدها الرابع يعني فيه غيرها قبلها ثلاثه
وام زوجها المحبه والمعزه لللي صاكنين ببيوت لحالهم باحياء معب قريبه لحيهم
اما قريبتي تزوجت وسكنت فوقها مع انها خالتها قالت بعد الملكه ابحطها بعيوني وتحلف وتقسم
لكن ماشافت حطت العيون الا حطتها برجولها
السب والشتم والزعل لقريبتي والدلع والمحبه والمدح للبعيدات
مع انه قريبتي هي اللي تنزل وتكرف لها بالبيت تحت كرف الحامير حتى تجيب شغاله وتنزلها لخالتها بس ماتشوفلها
اما الثانيات مايسوون لخالتهم شيء ابد لا طبخ ولا تنظيف يجون يبلعون هم وعيالهم وازواجهم يروحون وعلى قريبتي التنظيف وبعد ماتخلص تروح لبيتها فوق


مابيدك ولا بيد قريبتي الا الصبر لحد ماتطلعون لبيت لحالك والله ترتاحين
بس اصبري الين يفرجها الله عليك ببيت لحالك بعيد عن حيهم

الحل اللي أنصح نفسي فيه قبل غيري وأدري صعب

أن الزوجة ماتعطي أهل الزوج أكبر من حجمهم

تذكر نفسها دايم انهم مجرد أهل للزوج

ملزوم منها لهم الأدب وحسن الخلق زي لباقي الناس فقط

زيارة بين كل فتره وإهداء فالمناسبات وخصوصا لأم الزوج ومساعدات بسيطه بين وقت ووقت

لاتزودين فغلاهم والأرتباط بهم والإهتمام بكلامهم ورضاهم,, فرضا الناس غاية لا تدرك .. إذا عارفه نفسك ماشيه فالسليم فما عليك منهم.زوجك الملزوم ببر والديه وطلب رضاهم مو مطلوب منك أنتي ,,أنتي وصيه بالبر .

خلك فالغالب عندهم ساكته ومبتسمه وسوالف سطحيه جدا ماتخص أحد

وإذا أم زوجك قامت ترمي فالكلام والتلميح والتصريح بأشياء تشرطها فزوجة ولدها لكن مو من حقها ,, وأشياء خاصه فطنشيها واعتبريها انسانه جاهله ينقصها العلم وأحيانا للأسف الجهل يسبب بعد نقص الأدب للأسف.

لا تعطينها فرصه كبيره للتدخل فخصوصياتك ,, واللي ماترضاه لبناتها لا تخلينها تمارسه عليك ..

لكن الأشياء الثانيه العاديه الروتينيه عادي زوريها مره فالأسبوع إلين تتعود أو كل 3 أيام زيارة قهوه قصيره

إذا عزمت ومانادتك يا أنك ماتنزلين من الأساس ,, أو تنزلين متأخر



وبالتوفيق لي وللجميع

وعسى الله يؤلف بين قلوب المسلمين,, وبين أهل الزوج ونساء أولادهم



*