السلام عليكم ...
شلونكم بنات ...
حبيت اقدم لكم موضوعي لأني بصراحة شايفة هالمشكلة زاايده وبقووة ... لا مو مشكلة هذي ظاهرة وخصوصاً ... في مجتمعنا ( مجتمع الحريم ) .....
اخذوا مثال :
وحده من البنات كانت قاعده معانا والبنت هذي تنمص حواجبها .. شافتها وحده من البنات وقالت لها على الملأ
: شنو مسويه بحواجبك .؟
ردت البنت : انا نامصة حواجبي .. ليش ؟
قالت لها وهي تضحك وتستهزئ: وبعد تقولين ليش استغفرالله ..البنت اللي نامصة حواجبها تفشلت حسيت فيها .. وسكتت وجيت انا وغيرت الموضوع بسررعه ..
************************************************************************
الصنف الاخر من البنات :
اذا شافوا وحدة حاطه عطر بالسوق .. أو حاطة ماكياج قوي .. أو عبايتها مخصرة ...او شكلها مومضبوط ...........
تقول: استغفرالله ... او تستهزئ باستخدام العبارات الاستهزائية أو تضحك عليها وتخزها ...
************************************************************************
يا بنات ليش احنا نعاني من هالمشكلة ؟؟ لا تقولون لي مافي بمجتمعنا هالمشكلة لأني متأكدة 100 % انها منتشرة بكل مجتمع واكيد في بنات بهالمنتدى يعانون من هالمشكلة ..
تبون تعرفون المشكلة بشكل أوضح .........
هذي هي المشكلة ...
لماذا لانقدم النصيحة بأسلوب طيب وبإبتسامة رائعه بدلاً من عبارات الاستهزاء والضحكات الساخرة ؟
لماذا نتعمد قول النصيحة امام الناس بدلاً من أن تكون بين الناصح والمنصوح ؟؟
لماذا نرمق ونلقي النظرات المتعجبة ونطلق من افواهنا الضحكات العالية على الشخص المرتكب للخطأ؟
والله يابنات اللي ينصح بأسلوب حلو راح تدخل النصيحة بقلب المنصوح ..
واذا نصحنا بأسلوب سيئ عمرنا مانتخلص من الخطأ ...
كلام جميل في محله ...اتمنى حقا ان يجد صدى في قلوبنا جميعا
بارك الله فيك