كوبونات الراقية تسجيل الدخول

حرم حبيـبي

انا ما استاهل زوجي وطيبته ،، قولوا لي كيف اقنعه

الأسرة والمجتمع •

مسآء الخير ،، انا عضوه قديمه معاكم بس مو حابه احد من الجماعه يعرفني عشان كذا سجلت من جديد ،، بالبدايه انا قبل فتره كتبت مشكلتي بمنتدى ثاني وللأسف أغلب الردود هاجموني فأنا بوضح الاشياء اللي هاجموني عليها عشان ما احصل هجوم ،، ومن الحين اللي بتتهجم وبتقول كلام جارح لآاااا ترد
بسم الله ،، انا متزوجه من سنتين وعندنا ولد واحد عمره 6 شهور زوجي يصير ولد عمتي انسان على قد حاله راتبه 6 آلاف وعليه اقساط سياره وعليه قرض يعني اكثر من نص راتبه يروح على الاقساط هذا غير عمتي اللي تاخذ منه ، زوجي عزيز نفس ولا يمكن يفكر ياخذ من احد فلوس حتى لو سلف او يبين لاحد انه محتاج حتى وهو بالثانويه كان يشتغل لانه يستحي ياخد من ابوه فلوس وعنده عزة نفس قوووويه ،، انا اهلي مرتاااحين من ناحية الماده ووضعهم فوق الممتاز وابوي ما يمر عليه شهر الا ويعطيني مبالغ مختلفه وزوجي يقولي فلوسك لك ماتصرفين منها ولا ريال على بيتي، بيتي مايدخل فيه ريال الا من تعبي ومع انه تعبان من ناحية الماده والله بعمره ماترك بخاطري شي هدايا وملابس وكل شي مايقصر الله يخليه لي
قبل فتره انخطبت بنت خالتي ، وانا ماكان عندي فستان قلت له اني بروح للسوق وحدد لي مبلغ وقلت له هالبلغ مايكفي اجيب الفستان اللي ابيه ،، قال طيب نروح ونشوف يمكن يعجبك فستان بهالبلغ وفعلا رحنا للمـول واعجبني فستان دبل المبلغ مرتين انا حز بخاطري لانه اعجبني مره وانقهرت اني مو قادره اخده قلت لزوجي خلاص نروح للبيت احسن مما اشوف اشياء تعجبني وماقدر اشتريها وطلعنا من المول وهو كان مكتم ومتضايق لانه ماقدر يشتري لي الفستان ولما ركبنا قلت له خلاص انا اخذ من ابوي واشتري الفستان وعصب علي وقال لي لو اخذتي من ابوك ريال واحد انتي طالق وسكتنا طول الطريق ولما وصلنا للبيت هو كان بيروح للصلاه وقبل انزل مسك ايدي وقال لي والله العظيم لو معاي فلوس مايغلى عليك شي وانتي عارفه البير وغطاه نزلت للبيت ولما رجع راضيته وقلت له خلاص انا البس من الفساتين اللي عندي ولا يهمك ومن هالكلام ،، اليوم اللي بعده راح وباع جواله والبليستيشن واشترى لي الفستان نفسه ،، والله لو جابه لي بدون نفس ورماه بوجهي كان اهون علي مليووون مره من انه يجيبه وهو مبسوط ويضحك حسيت اني ما استاهله حسيت اني مقصره معاه كثثير ومو مراعيه ظروفه،، والله اني احبه مووووت واكثر من نفسي ولو يبي عيوني اعطيه بس كل عيلتنا كذا ملابسهم واكثر من كذا يحز بخاطري لو كان لبسي اقل منهم وانا قادره اشتري بفلوس ابوي بس عزة نفس زوجي ،، وعلى فكره الحين زوجي صار يشتغل شغلتين شغله بالليل وشغله بالنهار
انا اللي ابغاه منكم نصايح تفيدني اول شي كيف اخلي زوجي ياخد مني فلوس ابيه يترك الوظيفه الثانيه ويصير يوافق اني اشتري بفلوسي بعض الكماليات ،، الشي الثاني كيف اتعود على ماديات زوجي انا صار لي سنتين ولا تعودت
واي نصايح ثانيه لا تقصرون علي بس بدون تهجم وتجررريح
والف شكر مقدما
98
24K

يلزم عليك تسجيل الدخول أولًا لكتابة تعليق.

تسجيل دخول

@Candy
@Candy •
رفع ان شاءالله البنات يفيدونك
(randa)
(randa) •
الله يخليلك زوجك واضح انه يحبك ويغليك .بس ليه ماتبغي الوظيفه الثانيه اذا بتوفرلك الكماليات بدون ماتاخذي من اهلك.
bentalturki
bentalturki •
مساء النور
ربي يخليه لك ويخليك له
مره حبيت ردة فعله لما باع الجوال والبيليستيشن والله محد يسويها الا من يحب من قلب
انا اشوف انك ما تضايقيه بموضوع الفلوس وخليك حكيمه والله نادرا اذا لقيتي زوج عزيز نفس بهالزمن
ما شاء الله ولا قوة الا بالله


يمكن البنات عندهم اقتراح لك بس انا حبيت اعطي رايي ..
بالتوفيق
أم وحيدي
أم وحيدي •
ماشاء الله تبارك الرحمن
زوجك هذي شخصيته ولا يمكن تتغير .. هو يحب يوفر لك كل طلباتك ولا يحبك تحتاجين لشخص غيره
خليه بوظيفته الثانيه .. زوجك رجااااااااااال بكل ما تحمله الكلمه من معنى الله يخليه لك ويبعد عنكم الحساد
تاتي شوبينج888
تاتي شوبينج888 •
اها عرفت موضوعك وانا رديت عليك بعد في هذك المنتدى بس ماهاجمتك ^.^
الموضوع يبيله شوي صبر وثقه فالله وتفاؤل واستغفار وربي بيسر امرك حاولي تتحملين مادية زوجك وصدقيني ربي بيكافئك بشي حلو