انا متزوجه لكن انا زي الشغاله !!!

السلام عليكم ...


الصراحه مشاكلكم تضحك ....ماادري بتضحكم مشكلتي ...

انا بعد مااسافر لاهلي بالعيد ابطلب الطلاق ....ليش ؟؟؟لاني شغاله في بيتي

حكايتي طويييييييييييييييييييله من 3 سنوات من لما عرفت زوجي وفجاني ب اسائته اللفظيه لي ..

ياحيوانه يابقره ياكلبه ...الله يااخذك ..الله يكرهك ..وصلت الى ....ان شاء الله تموتين وافتك منك

ان شاء الله انقلك للاسعاف جثه ميته ...وغيره الكثير من الاساءه اللفظيه اللي اخجل الصراحه من كتابتها هنا ..

للاسف اني احب زوجي اكثر من حبه لي ....لكن هو ..يحتاجني مثل مايقول اغسله اطبخ له انظف له البيت

لكن حسب كلامه مايهم الحب ...يقول يعني كل اللي عايشين مع بعض

يحبون بعض ؟؟؟هذا السؤال اوجهه لكم خاصه المتزوجات منكم ....

يعني اذا انعدم الاحترم بالبيت وغاب الحب ...ايش يبقى ...؟؟

ليش اجلس معه ان كنت مااعرف شي عنه زي زملائه مين ؟؟؟اسمائهم ؟

من اللي شرفنا اليوم تقهوا عندنا ؟؟<<<< اذا سالته رد : مو شغلك

اذا اتصلت عليه وطلبت منه طلب مايقول مع السلامه ..... ولا حتى باي

يقول ......................... انقلعي !!!!

تصدقون اغراضه الخاصه بشنطه مقفله ...تصدقون انه مايسمح لي افتح الدرج الخاص فيه (بالتسريحه ) الابعد اذنه !!

تصدقون ان جواله يدخل معه للحمام (الله يكرمكم )

وانه يحق له يضربني اذا لزم الامر (حسب كلامه لانه هو الرجل ) ابشركم للحين مامد ايده علي ..

المشكله لو سالتوا زوجي ...ايش مشكلة زوجتك معك ..مثل ماساله اخوي ليش تعاملها كذا ؟؟؟

تدرون ايش مشكلتي ؟؟؟؟ او الذنب اللي اقترفته

هو



























اني
































اسهر !!!!!!!!!!!!!!!!!!!!!!

مايبغاني اسهر ......يبغاني انام بالغصب معه حتى لو مافيني نوم ....الساعه 8 ان حصل !!!

لا يروح فكركم بعييييييييييييييييييييييد ....لا لا

يبغاني اسكر النور حتى الاباجوره ....واغمض عيوني واكل تبن ومااسولف ...

وهو يعطيني ظهره ....وولا كلمه ...ماصدقتوا صح ....والله العظيم هذا طلبه !!

زوجي هذا سبق وطلقني فجاه رماني عند اهلي ...وندم (يمكن لانه مالقى اللي يطبخ له ) لكنه رجع لي قبل نهاية

العده ب 3 ايام ... ولم ارجع الا بشروووووووووووط


للاسف مالتزم بالشروط ...حملت منه وجبت ولد قمر ربي يحفظه لي عمره اليوم 5 شهور ..

ماراح افكر بولدي لاني مستحيل اربيه بجو مشحون وكله مشاكله وماعندي استعداد اجيب غيره واعقد اطفال مالهم ذنب ..


الحل عندي الطلاق ....


لا احد يجي منكم ويقول اشياء بالماضي ....زي انتي غلطانه ليه رجعتي ..
كان شرطتي ...


ابغى كلام بالمستقبل لو سمحتوا <<<<< هذا بالنسبه للي عندهم حلول ...


ولا تنسون تجاوبون على السؤال ...كل اللي عايشين مع بعض يحبون بعض ....او بصوره اخرى ضروري الحب بين

الزوجين ....؟؟؟


****************************

قرات ردودكم ..حتى الصفحه الاخيره <<<<<3

للاسف زوجي مارجعني لانه كان يحبني << حسب كلامه ...بل لانه لم يجد من يقضي حاجاته كالغسيل والطبخ وهو ذكر لي هالشي .. ماقال ابدا انه افتقد ني لـ شخصي او حن لسواليفي او حركاتي في البيت ..

كل كلامه كان عن البيت وانه كان يجوع مايلاقي اللي يطبخ له ..!!!


انا الان استخير ان كان الطلاق خير لي يسره الله وان كان شرا لي صرفه الله ...

اما طفلي ...البعض منكم اوصاني بان افكر فيه ..وكان تفكيري كان اناني ..
اولا الطلاق لم يشرع الا لحل ...
ثانيا انا نشات في عائله الاب والام في خلافات مستمره واصوات ترتفع كل يوم لدرجة اني الوم امي اللي ماحبت ابوي ليش تعيش معه وتنجبنا ؟؟؟او على الاقل اكتفت بواحد او 2 لان خلافاتهما اثرت علينا وعلى شخصياتنا ..

ابوي كان متسلط يسب امي امامنا ...الشي اللي جعلنا نكبر ولا نحترم امي اللي مااحترمهما ابوي ..!!!

نفس الكلام الان يتكرر معي وانا مااتخيل ان ولدي في يوم يسبني ويقول لي ياحماره زي ابوه ...

اضيفوا الى ذلك انه الان وهو صغير ومايفهم ...يصرخ ويبكي بكاء الخايف اذا سمع اصواتنا نتخانق ...لدرجة اني مو بسهوله اسكته ...


اشكر كل من دعا لي ...كلماتكم ودعواتكم كانت كالبلسم على الجرح ..
اشكركم جزيل الشكر ..