انا متشككه ومو متشككه بنفسي اريد اعرف حالتي بالضبط

السلام عليكم
بنات انا لما كنت صغيره مب جميله وأهل أبوي يعايروني بالسمراء الطويله وأنف متمدد.. ولما كبرت بالثانوية الحمدلله صرت جميله بشرتي ابيضت وملامحي صارت اجمل وانفي تغير الحمدلله والكل كان ينتبه لي والبعض كان يشبهني بالممثلات الحمدلله كل ما كنت اروح مناسبه او دوام كان الكل يناظرني.. المشكله انه عندي عمه اخت أبوي وهي ما عندها عيال بس عندها بنات زوجه زوجها وعايشين مع بعض كنهم بناتها طبعا عمتي تتآمر عليهن وبنفس الوقت تحبهم كنهن بناتها وهن بعد يحبوها.. والزوجتين متفاهمات وعايشات مع بعض فنفس البيت والأمور طيبه..
مشكلتي انه عمتي تمدحني قدام بنات زوجها وانه انا اعرف اطبخ ووووو وهن فيهن غيره مب طبيعي وكانن يكرهوني كره بسبب الغيره والي زاد الكره عمتي لما تمدحني قدامهم وانا الاحظ الحقد فعيونهن لما يشوفوني ما يريدوني اجلس معهم المهم انا بنت مسالمه اسلم عليهم واروح مع اهلي ومرات امي تلومني ليش ما اجلس معهم فتره واضطر اجلس معهم واكل معهم..
هذا من قبل كم سنه والحمدلله ربي فكني منهن لأنهن شريرات..
المشكله انه الناس الحين تنفر مني ومحد يطالع فيني ومحد يكلمني ومعندي أصدقاء وحيده..
انا أشك انهن يمكن سون لي عمل لا سمح الله؟!!
مع اني الحمدلله اصلي الصلوات فاوقاتها واقرا قران وادعيه ومافي أعراض ثانيه غير عدم الثقه بالنفس ونفور الناس مني وقليله الاختلاط لاني لما اتكلم الناس تفهم غلط ويزعلو مني..
بنات شو رأيكم بحالتي من شو تعتقدن؟؟