انا متضايقة ساعدوني منت

السلام عليكم ..

شلونكم بنات ؟؟

انا من اول ماسجلت وانا كل يوم اجي بكتب واتردد واقول بلاش يابنت مع ان المشاكل اللي عندي اكبر من هالمشكلة اللي بطرحة لكم ..

انا متزوجة وعندي بنوته طبعا البنوته اول ماجت تقريبا انا جهزت له من حسابي الخاص وزوجي مااعترف بالاشياء وكان كل شهور حملي يتهرب بحجة انو ماعندي فلوس خليها لوقتها فلت اوكي جاء الشهر التاسع واحنا ماشرينا ولا شيء طبعا انا احيانا لمااروح السوق اسحب من حسابي الخاص واشتري لبنتي بس بدون مايدري ابيه يتحرك بس مافيه فايدة
مابي اكثر عليكم طبعا لما جاء الشعر الموعود نفس الحاله بس انا هينا طقت روحي قلت انا مو شفلي دبر نفسك المهم شراء كم لبس وشغلات البيبي .....لحد يقولي يمكن مايقدر..يقدر .
المهم ولدت وانا اللي شريت مفرش الولادة وكملت باقي الاشياء لبنتي ..
طبعا انا بطلع الاربعين ريال واحد منه ماشفت انا جهزت روحي من والى وهو قال مامعي ..وشريت لبنتي لان ملابس الاربعين غير والملابس الثانيه غير البنت كبرت شريت له ملابس الصيف حتى الشرابات الجزم الشباصات كل شيء تتخيلونه..

ملابس العيد هو اللي شراه ...

..
اهااااا جينا للي مضايقني ..

الشتاء ع الابواب وطلبت منه ملابس للبنت ولي قال اوكي ع الراتب قلت مو مشكله ..

رحنا للسوق يابنات والله ماشريت الا 3 بجامات بس تخيلو بس ثلاث بجامات مع الهيلا هوب و6 شرابات ..

طيب ابي بجامات داخليه ابي جاكيت للبنت ابي لبس للطلعات قال خلاص يكفي قلت طيب انا باخذ لبس قال خوذي اخذت بلوزة وحدة بس بــ40 ريال وبعدين بداء يتنرفز ويالله بنطلع وخلاص ...

المهم عطاني الفلوس وقال حاسبي ..

حاسبت ورحت له قال كم بقي قلت 50 قام وزعل اي حنا هذا بلانا الاسراف والشراء بدون داعي ..

المهم سكت وقلت اذا قصدك انا فلوس البلوزة بتجيك بس بنتك انتا ملزوم فيها ..

جيت اليوم اتكلم معه قال مابقى من الراتب الا800 ريال بس

انا زعلت لان زوجي كل شهر يقصر علي بس مايقصر على اخوانه وخواته وبس يالله من يبي يعني فشخره كذابه ..واليوم اخوه رايح يتمشى وطالب منه فلوس وعطاه ..بنات انا متضايقة تدرون متى علمي بالتمشي سنة عرسي وبسسسسسسسسسسسسسسسسس وحماي كل فتره اخذ زوجته ويتمشا فيها على حساب زوجي ..
وانا كل ماكلمه اقول نفسي اتمشى وانبسط معاك يقول التمشي يبي فلوس ..اللحين حارمني من التمشي واخوك وزوجته كل فتره يتمشون بفلوسك ..

اللحين بالطاق التمشي مو ضروري بس البنت اللي تبي ملابس هذي وش ايش اسوي فيها اللحين مامعي فلوس ولااقدر اشتري لبنتي ولا حاجة وانا حاسة اني بنفجر من كثر مااخبي بقلبي ..

بنات بلييييييييييييييز ولا وحده تدعي على زوجي ولاتسبه ماارضى عليه هو حبيب وطيب وهالناس مستغلة طيبته ومبدي اهله علي وعلى بنته وعلى نفسه حتى انا مااقول لايعطيهم بس كل الراتب راح لهم وهم قادرين

انا ماني عارفة وش اكتب بس انا متضااااااااااااااااااااااااايقة على بنتي وعلى نفسي ..