أختي الكريمة

ادا بعدك ما قرأتي موضوع الأخت مرج الزهور ( الزواج العسل الحلو المر ) فتفضلي هدا هو الرابط
http://forum.hawaaworld.com/showthread.php?t=595079

بصراحة الموضوع كلمة رائع قليلة عليه

جزاها الله كل خير صاحبة الموضوع

روحي لاهلك لو اسبوع راح تشوفين تغيير كبير وراح تشتاقين له وهو بعد

هذا فتور طبيعي زي ماقالو

لكن احذري ان يقتل حياتك الزوجيه

والطريقه كالاتي
اي هوشه لاتطولينها حتى لو انتي مو غلطانه.. لان الرجال اذا زعل ترك لك البيت تطحنين في نفسك وعيالك .. يعني انتي الخسرانه في اي هوشه ..ماقول اعتذري لكن مشي ولاتشيلين بقلبك ولاتخلين للكرمه مكان بينكم .. الرجال زي الطفل اذا تعود ينام وياكل بدونك انفطم عنك .. خليه دايما يدورك (اقصد بالمشاعر)
جددي بحياتك وبشكلك لانو هذا عامل مهم في تغيير نفسيتك
رتبي اوقات دخولك للنت واحترمي وجوده ولاتشغلين النت وهو موجود الا اذا هو فتحت نت
نامي بدري واصحي بدري وزي ماقال المثل نام بكير واصحى بكير وشوف الصحه كيف بتصير

على طاري الزعل والهواش.. قريت طريقه حلوه ونفذتها وحصلت على شي اتمناه صار لي 19 سنه
اذا تهاوشتو لاتزعلين وتنافحين وتبرطمين ويطلع وجهك وحش عاقد حواجبه واذا كلمك تردين من غير نفس ...غللللللط
خليك مكسورة الخاطر ونظرة الطفل البريء المحروم بعيونك واطلعي من الغرفه وروحي المطبخ مثلا وكل شوي مري من عنده وانتي راسمه(وجه حزين) واذا قال لك زعلانه قولي لا واذا الح عليك قولي مكسور خاطري ماتوقعت هالكلمه منك او ماتوقعتك ترفض (حسب الطلب)

جربوها يابنات وربي معجزززه وينقلب زوجك 180درجه

هذا شي معروف بعد 5 سنين زواج يصير كذا ...
لكن الظاهر كنتي تعطينه بقوووه وماكانت ردات فعله تعجبك فبداتي بالفتووور
تحتاجين تبدأين تغيرين نفسك من داخل شوفي وش يسعدك سويه,,,
عشان انتي تطلعين من اللي انتي فيه مو بس عشان زوجك
غيري في شكلك انحفي قصي شعرك واهم شي من داخل تحتاجين ريفرش

وبعدين زوجك تحتاجين لنقاااش بهدوووء وتقولين وش تحسين فيه ؟؟
هو شريك حياتك ولازم يساعدك وتساعدينه عشان تحافظون على حياتكم
اذا استمريتي كذا هو بيبعد وانتي تبعدين طيب وبعدين؟؟
اذا كان عندك سبب لفتور لا بد تناقشينه معه ولا تسكتين
لازم يكون عنده حلول وانتي بعد عندك حلول
الله يسخرك له ويسخره لك ويألف بين قلوبكم