انا متفائلة جداً .. بس انتو شو رأيكم (أعراض جديدة)

السلام عليكم اخواتي الحبيبات
اول شي الله يخلي لكل وحدة فيكم اولادها وابائهم ويبلغكم أشدهم ... ويسهل عكل حامل حملها وييسر لها ولادتها يا رب
ويرزق كل مشتهية ومنتظرة الحمل السليم المعافى ويتمم شهوره عخير يا رب

امين

انا ها الشهر أجتني أعراض غريبة وأنا أساسا فيها او بدونها متفائلة و مفوضة امري لله وواثقة انه رح يرزقني الحمل والولد الصالح قريب جداً

باقي لدورتي اسبوع كامل .. قبل يومين صار عندي مغص خفيف وكثرة تبول يعني بالساعة مرتين لتلات مرات .. وبعد كم ساعة نزل علي افرازات كمية صغيرة مخلوطة دم بين الأحمر والبني .. استغربت بس ما ضغطت أعصابي بالتفكير عشان ما أوهم نفسي انه في شي
.. بعد هيك صرت كل ما استخدم الحمام ينزل مني شوي دم متخثر .. قطع صغيرة يعني ولونها احمر !
استمر الوضع كم ساعة بعدين اخر شي نزل دم فريش مو قطع تقريبا مقدار معلقة صغيرة
ووقف ما عد شفت ولا نقطة لا مبارح ولا اليوم
مبارح بدا معي صداع فظيع وحسبت حساب ليكون حمل وقلت بتحمل بدون دوا مسكن
بس اليوم الصبح ما عدت قدرت وأخذت حبتين مسكن فيه أسبرين سميت بالله قبل انه ما يضرني لانه الألم صار لا يحتمل خاصة انه مصحوب بغثيان يعني ما عم اقدر اكل او اشرب زي الناس
هدي الألم فعلا بس كانه انتقل للجهة التانية من راسي يعني كان باليمين وانتقل لليسار ( بنلعب شرطة وحرامية انا وهو ) ههههه
معدتي ما هديت بس خفت شوي
عندي حرقان بسيط عند التبول يعني تقريبا مرة باليوم بحس فيه الصبح وبعدين خلص بيروح

الحبوب .. اول مرة بيطلعلي حبوب بهيك وقت عادة قبل الدورة بيومين حبة وحدة وخلص اما هالمرة تلات
وأخيرا صدري قبل الدورة بعشر ايام بيتحجر وما بتحمل ألمسه من الالم
هالمرة ما في أي الم او أي تحجر !!! مع انه طبيعتي باألمني كل شهر من يوم ما بلغت


اه و شي جداً غريب ... من يومين وأنا ما عندي أي افرازات مهلبية يعني جفاف ... ما في شي بينزل كعادته بمتل هالوقت من الشهر !!!! وهاي صدقا كمان اول مرة بتصير معي



أتمنى اللي ما عندها فكرة بالأعراض بس تدعيلي الله يرزقني الحمل انا وكل بنات حواء يا رب
من قلوبكم :)


محبتكم رمووشي