انا مت كجسد واخاف تروح روحي بعد

السلام عليكم ورحمة الله

قبل الزواج ياحبيباتي كنت محط الانظار واقسم بالله ماكذب عليكم وادعي على نفسي على شان تصدقون

بس ابغى اوضح لكمالصوره وتشوفون قد ايش انا مقهوره

كنت في طولي وجسمي مثل باسكال هذا كلام الناس عني ونهم واحد من اخواني الله يشل يدي اذا كذبت عليكم

المهم انخطبت وتزوجت ولي الحين 8 سنوات ومن اول سنه زواج يمكن حتى من الشهر الاول انقلب حالي الى 180درجه

فجاءه زاد وزني كان 60 الحين صار 120 تخيلوا
واقسم بالله لاتقولن اكل بالعكس عند اهلي شوفوا نظامهم لان اوالد كان كبير في سنه ولازم يلتزم بكل شي في وقته

كان فطور وغداء وعصريه وقهوة مغرب وعشاء واذا طولنا سهر انا واخواني رحنا الرايه واخذنا اي شي


والله ماكنتاعرف الرياضه ابدا

المهم بعد زواجي انقلب حالي قصيت شعري زاد وزني سمرت كانت بشرتي فاتحه شوي ماعاد اهتم بلبسي كل ملابسي قمصان فض فاضه وكل هذا على شان زوجي مايشوف جسمي وحتى ماتعقد انا لاني صرت مثل الكوره مدوووره

كل شي راسي ومنطقه الصدر والبطن والارداف وفخوذي
واحس اني قصرت مره مره كان طولي 170 تعقدت من نفسي وشكلي وماعد اهتميت اظافري اقصها واناواقفه عند المغسله وامشي لان زمان كنت اسوي لها بدي كير ومنكير

حواجبي ماهتم فيها ابد شعر والله مامشطه الا بعد يوم او يومين الفه بشباصه وامشي

الحكل والروج لي سنه ماحطيتها لان للاسف خرجات ماعرف شي اسمه خرجات زوجي يقول بعرفك على زوجات زملاي انا ارفض لاني حاطه في بالي انحف شوي
لكن مو راضي ينزل وزني

ملابس لي سنتين ماشتريت شي صارت كلها خرافين يمكن حتى ماتقدرين تستخدمينها للمطبخ الوانها راحت والي شمر من كثر الغسيل
وحاله
كريمات مخلصه من زمان والعلب فاضيه في الدولاب عطورات عندي واحد بس
قبل ماكان شي في السوق الا واعرف ماكنت اشتري الا من بودي شوب ونكتار العربيه للعود والحين انقلب حالي الى الازفت

يعني صارت الشغاله يمكن احسن مني في اهتمامها بنفسها

زوجي مقهور مني ماعاد يطالع فيني يقول نفسي تهتمين وتدلعين نفسك اااه ياربي مثل الكف على وجهي هذي الكلمه وهذي الكلمه نفسها هي اللي خلتني اكتب هذا الموضوع

يومي كله يروح مدري وين يروح فيه ووش يروح فيه والله مانجز فيه اي شي
واللي شاغل نفسي هو ترتيب البيت ونظافته ولحمد لله واكبر اهتمامي اولادي عندي اثنين بس همي كيف اعلمهم وويين يروحون واخاف عليهم من الهواء الطاير

نسيت نفسي مرايا ماذكر اخرمرة وقفت عند مرايا ... ماتذكر ابدا

فيني حاله تحطيم اواكتئاب او ياس من كل شي

صرت امشي نفسي والسلام

قبل كنت طموحه كنت اكتب كنت احب القراءه احب الرياضه احب الطلع كنت اهتم بنفسي لدرجه الجنون من خلطات الى الغذاء السليم الشاهي وكانت اعرفه على شان مايخرب شعري وبشرتي مافيه مجله على وجه الارض الا واشتريها هذا غير النت لكن الحين لي سنتين وانا مدفونه تحت الرماد

وش اسوي يابنات
ودي ابدا من جديد
ودي انفض هذا الغبار عن نفسي وابدا حياتي
طيب من وين ابدا بشكلي وانزل وزني على ان مافيه امل ينزل الا بنادي رياضي

او اني اخلي جسمي مثل ماهو واروح اشتري ملابس على مقاسي

طيب وش ااشتري ملابس الطلعات او ملابس البيت

تكفون ساعدوني ماعندي احد الا الله ومعرفي في المنتدىاكبر دليل
اخوات ماعندي انا وحيده اهلي

:44: