من الاخر
حنا بزمن ماعاد فيه طولة بال
الواحد يالله يتحمل نفسه وعمله عشان الراتب
مو ناقص يتزوج يبغى يرتاح يلقى وحدة ناشبه له تعال نسمع اغنيه تعال نشوف فيلم
صح اجواءك حلوة ورايقه بس مو جوه
كذا ببساطة له مزاج ولك مزاج
لاتشدينها عاد

وعليكم السلام...الاختلاف شي طبيعي ولازم تتقبلينه مستحيل تلقين شخص بنفس طباعك ولاهو راح يلقى نفس اطباعه دامه الاختلاف شي بسيط وعنده مزايا كثيرة مثل ما ذكرتي فتغاضي عن هذا الطبع مافي حياة كاملة ولا في شخص كامل ودامك رجعتيله انسي اللي صار وابدي من جديد

الي استغربته ليش تاخذين اثمه الاتسمعينه اغنيه والا تشغلين له فلم. وتقولين متدين. لاتاخذين اثم احد بغرض تغيرين جوه. ارضي الله بيرضي خلقه عليك.

الحين مجروحه عشان مايبغى يشوف فيلم ومايبقى يسمع اغنيه
ترى الناس اذواق وكان له ميول
انا ماحب اتفرج افلام وشريكي يتفرج ماعمره اجبرني لانه يحترم ذوقي
الاغاني لما تجتمعي مع صديقاتك او اهلك اسمعيها او حطي سماعه واسمعيها لحالك
ترى أسوأ شي في الدنيا لما احد يجبرك ال شي انتي ماتحبين تسوينه
الحياه مو غصب يشاركك هواياتك وتشاركينه هواياته غصب
الموضوع اعمق من كذا
وش حال الي زوجها مايوفر لها حتى  الاساسيات حتى اكل مايجيب ولا ادويه ولامصروف وشاي جمر
انتي كل الاساسيات عندك لدرجة ماعاد تشوفينها وصرتي تنتقدي على فلم واغنيه 

كل شي ضربتي فيه عرض الحائط وركزتي على موضوع الفلم طيب مايحب يشوف افلام مو غصب الموضوع
شوفيلك صديقه او قريبه شوفي معاها الفلم
هذا دليل ياكد انه اول خمسه ايام رجعتي بيت اهلك انتي الغلطانه مو هو شكلك زعلتي عشان قالك هذا اللون الي لابسته ماحبه

.
الرجال باين إبن حلال ومعدنه طيب وحريص أن زواجكم ينجح
للأسف كلاكما ما عرف يتصرف بأول أيام زواجكم يمكن نقص خبره يمكن تعب وضغط التحضيرات و العرس خلاكم تفقدوا أعصابكم بس الحمد لله تداركتم الموقف

نصيحه تقربي من زوجك وحاولوا تتأقلموا مع بعض
إنت حابه زوجك يمشي مثل ما تحبي ويتصرف مثل ماتحبي ويكون ليه نفس هواياتك لا مستحيل كل واحد وطبعه وميولاته فلا تفرضي عليه شيئ تقبليه مثل ماهو أنتم بأول زواجكم مع الوقت راح تفهموا معض وتخلقوا أشياء مشتركه وتتعودوا على بعض