انا محتارة اريد نصيحة

بنات انا وافدة في الإمارات وعايشة مع زوجي واولادي في بيت اجار.
من سنة جبت اختي عشان تدور دوام و تعمل مستقبل لنفسها لانه بلادنا صار الدوام فيها صعب.
تمت ساكنة عندي 6 شهور بدون دوام وبعدين ولله الحمد الله كرمها بوظيفة.
مرتبها مش واو بس الحمد لله احسن من بلاش.
الحين صارلها 6 شهور مداومة و بعدها ساكنة عندنا.
احس زوجي طفران و ما ماخذ راحته في البيت.
هي اما في الدوام أو في غرفتها ما تسوي ازعاج ولا تحس بوجودها لكن زوجي يقولي متى بتطلع وايد تمت.
اليوم خبرتها انه لازم تشوف مكان تاجره و تروح تسكن لانه زوجي يحس انك طولتي عندنا في البيت.
هي ما زعلت وقالت عادي باروح بس انا ظميري يأنبني و التفكير ذبحني و احس بالذنب.
ما اعرف ارضى اختي الي راتبها ضعيف وراح تتبهدل في الاجار او ارضى زوجي الي يبي يستقر في بيته مع زوجته وأولاده بدون وجود حد ثاني معانا في البيت.