انا محتارة حامل ولا لا ؟ودكتورتي محتارة معاي !

السلام عليكم خواتي ...

عندي استفسار ..

أنا متزوجة من ست شهور وباقي لي ايام وبيصير سبع شهور ..

دورتي الحمد لله منتظمة .. بس مااعرف كل كم .. بس كل مرة تتأخر عن التاريخ السابق بثلاث او اربع يام فقط .. وعلى قولة الدكتورة هذا طبيعي ..

الشهر هذا بعد ايام التبويض بست ايااام .. نزل علي شوية افرازات بنية مع خيوط من الدم ..

والحين من يومين اشتغلت في البيت شغل ثقيل شوي .. ورجع نزل لي نقط دم لمدة يومين .. خفت .. ورحت للدكتورة امس بالليل يعني تاريخ 22 والباقي للدورة تقريبا من من من 5لـ 7 أياام ...

المهم قلت لها الموضوع .. وقالت بتسوي لي فحص سونار (( من تحت )) ليش تأخرت بالحمل ..
ما رضيت اسوي سونار الي تحت وقلت خلينا على فوق البطن .. قالت اللي فوق ما يبين اذا في مشاكل ..

المهم قلت لها الحين مو مستعدة نفسيا ..
قالت اوكيه نسوي سونار البطن ولما سوت لي .. ابتسمت وقالت ((( اعتقد)) في حمل رجعت قالت يمكن في حمل .. بس مو اكيد السونار ... خلينا نسوي تحليل دم ..
قلت انا سويت في البيت وطلع لي سالب .. قالت المنزلي ما يبين قبل الدورة بفترة ..
المهم سويت تحليل دم وبعد نص ساعة .. قالت للأسف مافي حمل ..

وكانت محتارة جدا .. ورجعت قالت يمكن في حمل ... ومرة ثانية قالت التحليل يقول مافي حمل ..
المهم بعدين قالت انتي انتبهي لنفسك وانتظري خلي الدورة تقرب .. اول ما تجي الدورة تعالي ثاني يوم اسوي سونار من تحت ..
ولو ما جت الدورة يعني حامل ..
قلت طيب سؤال ... أنا بيت اهلي بعيد .. وابغي ازورهم بكرة .. وهناك الاطفال عندهم جدري .. قالت اوووه ..
لا مو لازم تروحين خليها وقت ثاني ..
بعدين قالت لي انتي صابك جدري قبل .. قلت لها لا ..
قالت خلاص احتياطا اجليها .. لأن خطر لو انتي حامل
وانا فعلا اجلتها ...

الحين .. أنا في حيرة ..
لا اكدت لي اني حامل .. ولا اكدت لي اني مب حامل ..
في نفس الوقت احس بالم الدورة خفيف جدا على غير العااادة ..
وتنزل مني افرازات خفيفة شفافة من غير ريحه او لون او حكة ..
واحس صدري يعورني عند اللمس فقط .. بس مافيه انتفاخ ..

حد صار له مثلي ؟ السونار يقول شيء والدم يقول شيء ..
خاصة اني اعرف ان الدم اضبط من السونار ...
ولا الوقت كان باكر جدا ع التحليل ؟؟؟

واخيرا لا تنسوني ان الله يرزقني الذرية الصالحة ..