انا محتارة في أمري

السلام عليكم ورحمة الله وبركاته


الصراحة ماعرف كيف ابتدي في مشكلتي وللاسف ماعندي اسلوب في الكتابة

بس بحاول اختصر عليكم وان شاء الله تساعدوني .

انا متزوجه من عشر شهور من ريال متدين مطوع يعني ومن فترة قصيرة اكتشفت انه يخوني مع وحدة ويوم واجهته انكر وقام يحلف انه مايعرفها وبعدين اعترف لني اصريت عليه واعتذر وقال انه الشيطان قص عليه وسألته انا مقصره معاك بأي شئ قال لا وحلف انه مايخوني مره ثانية وبعدها اكتشفت انه داخل عل قوقل ومسوي بحث عن السحاقيات وانتو بكرامه انا هني انصدمت وواجهته انكر وبعدين رد اعترف انه الشيطان قص عليه وهالمره طلب مني انه نكنسل التلفزيون من البيت وانه سبب الدمار اللي هو فيه انا قلت له عل العين والراس مع انه صعبه علي من غير تلفزيون
وانا لله الحمد ماأشوف اغاني اللهم مسلسلات وبرامج تخص الدين والحريم وعلي فكره والله شاهد عي كل مانطلع مع بعض ألاحظ عليه نظرات للحريم المتبرجات
واسكت عنه واقول مع الايام بيتغير مع انه يلبس كندورة قصيرة ولحيته طويله
المشكله الحين اخاف اضحي واستغني عن التلفزيون وبعدين اكتشف خيانة جديدة منه
وماخاب من استشار مالي غيركم اقوله عن اسراري وارجو انه ماطولت عليكم