الله يعينك و يصبرك اختي... ويهدي زوجك... ومثل ما قالت الاخت الوردة... حاولي تملين عينه.. وما شاء الله بنات المنتدى مب مقصرات في الافكار للحركات الحلوة... وحاولي تجددي في نفسك... في اللباس.. في الحركات... في الاكل... في كل شي اذا قدرتي... واجلسي معه جلسه مصارحه.. وذكريه ان الله تعالى مب غافل عن اللي يسويه وهو رجال ملتزم.. وان الله يمهل ولايهمل... وشو موقفه اذا كان ولده يسوي اللي يسويه؟ بس طبعا كلميه باسلوب حلو.. لا تخليه ينفر منك... وطبعا وقبل كل شي.. الدعاء الدعاء الدعاء... صدقيني رب العالمين بيفرجها عنك وبيهدي زوجك إلى الصواب...
الله يسعدك دوم ويصبرك...


اختي شواطئ

جزاج الله خير وبالفعل ناويه اغير من نفسي واهتم شوي بس يوم اقوم بالسلامة

واتمني انه يتغير عل الاقل علشان اولد مولود في حياته

الله يعينك بس لازم تشدين عليه شوي ..ترى التهاون في هالموضوع يخليه يتمادى

أختي مهى ندري ان الإلتزام والملتزم أو (المطوع) بلهجتنا الخليجية مب شرط ينعرف بلبسه ولكن مطوعنا الخليجي في لبسه يتبع السنه يقتدي فيه بالرسول اللهم صلي وسلم عليه والحديث الشريف يقول بما معناه أطلق اللحية وأكرم الشارب وهذا اللباس القصير واللحية الطويلة سنه محببة عند الخليجيين عامه وأكثر الملتزمين إن لم يكن جميعهم يتبعون هذي السنة ويحافظون عليها كما لو كانت فرض فأخذها بعض الناس من اللي نص ملتزمين ولا منافقين حتى كمظهر أو قناع أو زي يظهر عكس ما يستر

اقولج شي اختي بس لا تزعلين من كلامي
يمكن محتاج لشي محروم منه <<<< ماني عارفه اعبر ومابي احد يفهمني غلط
الصور المثيره يمكن تشبع حاجاته والرجال اذا يبي هالشي والله عقله يطير منه ويتصرف تصرفات تبط جبد المره بس احسن حل تقعدين وتصارحينه وتشوفين شنو محتاج
وشنو يبي وانتي ماراح تقصرين عليه بشي والله يعينك شكلك حامل وبل اسابيع الأخيره
الله يسهل عليكي
بس صدقيني ترا اغلب الرجال كذا وقبل ما يتزوجون كلهم متعودين عل العاده السريه ( مابي احد يفهمني غلط) بس هذه الحقيقه مره حطو برنامج والله ما ادري شنو اسمه
مقابلات مع شيوخ دين وقالوا 99% من الرجال مارسوا هالشي
يعني اشلون ( اكيد من الصور المثيره)

ان شالله فتره وتزول وصدقيني اختي انتي بطلي معاه حوار صريح وشوفي النتيجه
وترا مو بس انتي حصل معاكي جذي كثير من المتزوجات في اول حياتهم الزوجيه حصل جذي

بصراحة انا اقول ما فى انسان كامل مطوع ولا غيره
حاولى انك تسمعيه اشرطة وشغلى دائما القران بالبيت ابعدى المنكرات عن بيتك واولها التلفزيون زيمكن رأيه يكون صائب لان الله يعاقب الإنسان بذنوبه
تضرعى لربك وادعيه والله يفرج همك