بسم الله الرحمن الرحيم
السلام عليكم ورحمة الله وبركاته
أخواتي الغاليات أشكركم جزيل الشكر على الاستجابه السريعه وتفاعل مشاعركم الطيبه اللي مالقيتها في أي منتدى ثاني...
والله كلامكم على عيني وراسي وكله صحيح ومو جديد علي......
لكن المشكله مايعلم بها الا الله سبحانه.......وللأسف بعض الأخوات قسو علي في الرد وخلوني جلست أبكي ساعات ....وزادو عذابي عذابين......
انا مو مثل ماتظنون انسانه ملت من زوجها وحبت تغيره وبدأت تختلق الأعذار لذلك.....ولا الانسانه الجاحده أو النكوره للمعروف حرااااااام تظلموني......
بالعكس...انا عشت مع زوجي ثلاث سنوات الأولى وكنت دلوعه وأنانيه أطلب اي شي وهو مايرفض لي طلب وازعل على كل شي وما أبي كلمتي تنزل الأرض.... ومع ذلك وبالرغم من مشاكلنا كنت متوهجة المشاعر وعندي رغبه شديده لزوجي ومرتاحه نفسيا.....
لكن السنتين هذي الأخيره وبعد مااستقرت حياتنا وتعقلت أكثر وهدت المشاكل وصار زوجي يمدحني وراضي عني أكثر لأني متفهمه وقنوعه وغيره.. وملتزمه دينيا أكثر من قبل والحمد لله......صارت لي هالمشكله النفسيه....
مشكلتي احساسي بالذنب تجاه زوجي لأني موقادره اعطيه اللي يبيه أي زوج من زوجته ......وبالذنب تجاه أطفالي احس اني مو قادره اربيهم ومو فاهمه أسلوب التعامل معهم...
اشياء كثيره لو بتكلم عنها ماأخلص وماأقول الا ربي يساعدني ويطلعني من متاعبي يارب.....
على فكره أنا عرضت بعض مشاكلي النفسيه ووصفتها لدكتور نفسي عن طريق النت فقال لي اني عندي اكتئاب وعدم ثقه بالنفس ومحتاجه علاج .......فأنتو شرايكم الحين واذا محتاجين أسرد لكم أكثر عن حياتي انا مستعده....
على فكره الأحلام الله يعلم اني مالي يد فيها والله العظيم ماأفكر في غير زوجي وبس.......
وانا شاللي متعبني غير التفكير في زوجي وشلون أسعده؟؟؟؟؟؟؟؟؟؟
أتمنى تكونون فهمتوني وأشكركم مره ثانيه على طيب مشاعركم....

اختي...السلام عليك ورحمة الله
.الله يعينك

صدقيني حاسه فيك تماما





بس المشكله ترى من داخل نفسك
فيه شيء بداخلك هو الي مسببلك هالإكتئاب ...

حاولي تعرفين وشو...

صدقيني اول خيط انك تكونين عارفه وشو هالشيء
وانا اكيده انه شيء بماضيك...

عقلك الباطن بعده مخزن لك هالشيء

شفتي لمن يكون عندك غرفه مغلقه ببيتك..هالغرفه فيها عفش واشياء كثيره..وفيها رطوبه ومافيها تهويه...اكيد بتكون كلها غبار ورائحه
احيانا إلا ماتجي تطلع هالغرفه غبار وريحه مو بزينه على باقي البيت


هذي بالضبط حالتك.....

انتي بعقلك الباطن..فيه شيء مخزنته...وبالاصح متخزن....ويتجدد عليك بين فترة واخرى......ويسبب لك كل هالحزن

أيا كان هالشيء يااختي..ايا كان ..وكانت درجة صعوبته على نفسك

الحل الوحيد انك تنظفين هالغرف.......المسكرة بس مو مره وحده
لا على مراحل....ولازم الشخص الي يساعدك يكون قريب منك وفاهمك...ويتقبل منك اي تصرف واي كلام




اختي.....حاسه فيك...صدقيني...
واخواتي ماقصروا بس لاتزعلين من احد الكل يبي يساعدك

بس اختي..الرجل مهما كان يحبك...مايرضى انك تذكرين احد ثاني قدامه او حتى انك تفكرين بشخص غيره

انتي تحسبين ان هالشيء هو الي ناقصك
بس انتي فاقده شيء ثاني
وانتي بعون الله بتكتشفينه

الحين...عندك امل..عندك هالاطفال الله يحميهم...وعندك هالزوج الله يخليه لك

خليهم يرسمون على الاقل ابتسامه على وجهك...
واسألي ربي وناجيه باخر الليل واجلسي معه سبحانه وفضفضي له...
صدقيني بترتاحين








ولو تراسليني عالخاص....افضل


الله يفرج عنك وعن كل مهموم

:)

مالك حل غير الرقية الشرعية وقراءة القرأن الكريم باستمرار يعني بعد كل فرض اذا تقدرين خلصي جزء او نصف جزء وحاولي بالصلاة اللي بعدها تكملين باقي الجزء حاولي يا اختي وان شاء الله تصيرين احسن من الاول ... صدقيني راح تتعبين بالاول لاكن اذا حطيتي ربك جدام عينك وكلامه باذنك راح ترتاحين ... اذا وايد تعبانه ياريت تحطن مسجلة فيها الشريط يقلب لحاله وحطي سورة البقرة وخلي السماعه باذنك وحاولي تركزين راح ترتاحين راحه عجييييييييييبة وهذي مجربه مني انا شخصيا ... يا حبيبتي الله اللي يعلم بالقلوب واحوالها وما ترتاح القلوب الا بذكر الله ( الا بذكر الله تطمئن القلوب )... الله معاك يا اختي وطمنينا عليك:24:

من بعد كلام الاخوات والاخوان

بارك الله فيهم ماعندي شئ اضيفه

بسس حاولي تطبقي كلام الاخت فلا نــــــــــــــــــة التقرب الى الله وقراءه القرآن

السلام عليكم
اشكركم أخواتي من كل قلبي على اهتمامكم ......
وانشاء الله راح اطبق كلامكم والباقي على الله سبحانه ......