انا محتاره

السلام عليكم ورحمة الله
هاذي اول مشاركه لي بالمنتدى وحبيت اني اخذ رايكم
عندي مشكله نفسيه تعتبر بسيطه بس بالنسبه لي مزعجه كثيييير
انا من يوم انا صغيره وانا في مكه تعودت على حياتها وجوها وناسها وكل شي فيها لحد ما خلصت الثانويه وتزوجت وانتقلت من مكه لمنطقه ثانيه بس مو في نفس المدينه لا في القريه تابعه لهاجوها بارد وفيها هدوء ممل ولا اهلي موجودين فيها ولا اهله , فيها ناس ينعدون على الأصابع لانه اغلبهم مسافرين وفيه ناس من قرايبنا من بعيد واغلبهم عجايز
صار لنا في هاذي القريه تقريبا 6 سنوات وانا احس اني مليت وطفشت ونفذ صبري ماعاد اقدر اتحمل العيش فيها مع العلم ان الميزه الوحيده فيها انه ساكنين في بيت ملك لنا يعني مرتاحين من الناحيه الماديه والامور الثانيه مو تمام
فهل انا احاول اقنع زوجي اننا ننقل الى منطقه ثانيه ونتحمل الاجار والمصاريف , لانه اذا نقلنا ما بنقدر نشتري بيت بنستأجر , واذا جلسنا في قرينتا نحتاج فتره 5سنوات ويمكن اكثر عشان نجمع ونشتري بيت برا.
وانا ما عاد عندي صبر ونفسيتي تعبانه .... عجزت اتأقلم مع هاذي القريه وحياتها الممله
وش رايكم ننقل وتتغير نفسيتي واعيش حياتي ومع كذه نتحمل المصاريف والاجار وتبعاتها او
نبقى نجمع لفتره ما يعلم فيها الا الله وبعدها ننقل ( بس اخاف ما ننقل الا وشبابي قد خلص )
اعطوني رايكم