مساكم الله بالخير..
اختي حبوبة اعملي مثل ماقالوا الاخوات والاخوان هنا ..واصبري فترهوبهالفترة حاولي تتضبطين اكثر وتهتمين أكثر من كللللللللللللل النواحي وخليك معاه جسديا ونفسيا شاركيه بكل شي..
ولو ماوقف يعني ادمان الشغلة.. انا من رأيي مافي مثل الصراحة بين الزوجين..مادري يمكن خبرتي قليلة لكن صدقيني لو استمر ادري هالشي بيفقدك الثقه بنفسك ..صارحيه بأسلوب حلو اهم شي الاسلوب ولاتهاجمينه قولي انه يمكن انها توصلك بالغلط وانها دعايات..بس انا يجرحني انك تشوف مناظر مثل كذا..ويفقدني الثقة بنفسي..
قولي انا خايفة عليك وعلى نفسي..
مادري قرقت واجد بس مدري ضاق صدري يمكن اكون على غلط بس هذا راييي واكثري من الدعاء لان هذا الشي ابتلاء وربي يملا عينه فيك ويبعده عن الحرام..

وبالنسبة للاخت عفية..
الطلاق ماهو الحل..ابغض الحلال عند الله الطلاق..
اولا تفكر هي بينها وبين نفسها هل هي معطيته حقه في كل النواحي..
لو كذا تصبر..الأسد وهو الأسد يتروض شلون ابن ادم..
تصبر عليه وتقابله زي ماهي باحلى زينتها وتفرفش وتتجاهل انه متضايق..
حسب ماقلتي ياختي هو متضايق من كثرة سؤالها..وش فيك وش فيك..
يمكن عنده ضغوط مادية ..بالدراسة..
تحاول قد ماتقدر ماتكون نكدية ..لانه مو ناقص بالعكس خليه يحس انها راحته ..
وانها الشي الحلو فحياته حتى لو الظروف اللي حوله صعبه..
هو راجع البيت بيرتاح وبينسى ..لاتذكره وتزن بسؤالها..
هي تعرف الأشياء اللي تبسطه..كل وحده ادرى بمفاتيح زوجها تسويها..
وقبل كل شي الدعاااء ان ربي يسخره لها
:26: :26:

هلا عفية...:42:

تسلمي على تفهمك ياقلبي هذا من طيبك..

أول شي كلمة طالق هذي أي زوجة تمسحها من قاموسها..

لأنها لو جاء الصدق وسمعتها ماراح يفيدها عض يديها من الندم..

إلا لو كان الأمر يستحق بالفعل..

وهنا بعض الأحاديث عنة

_ _ _ _



الغربة والحساسية ماتجتمع..

الغربة يبي لها صبر وتحمل والزوج زي أي إنسان..يتعب ويشقى..

ومتغرب عن أهلة وأحبابة..غير الدراسة أو الوظيفة اللي متعبتة وماخذة كل وقتة..

ولا تنسي طبع الرجال الجاف بالأصل فمابالك إذا أجتمع باللي قلت!!!

بيكون بركان قابل للإنفجار بأي لحظة..

لذلك هي ماقصرت..لكن بعض الزوجات الله يهديهم..تضغط على نفسها بزيادة..

فتكون داخلياً متوترة من وضعها وتدليعها لزوجها ومن عدم مبالاة الزوج..

فتنفجر هي الآخرى ..وتخرب صبرها وحسن تبعلها في لحظة غضب..

والبعض منهم...تُحسن الإهتمام والتبعل...وتهتم في نفسها..

لكن عند أي كلمة أو غلطة من الزوج تزعل وتكشر..

فبالتالي ماراح تستفيد من الأمرين...

أول شي...عليها بذكر الله طول الوقت..( الا بذكر الله تطمئن القلوب )

ثاني شي..تظل على إهتمامها لزوجها ورعايتة وحسن التقرب لة..

وتحط في بالها إنها ماتنتظر مقابل...حتى تستمد الصبر وتقدر تواصل معه بأخلاق طيبة

ثالث شي...مهما زعل أو كشر...بداخلة إنسان يحتاج للحنان والمحبة..

لة قلب يحس ويشقى...فلو أتكلت على الله وصبرت على غضبة..

أول شي بيجيها آجر من رب العالمين...

وممكن يهدية ويسخرة لها..

لأن الزوج مهما غضب وتكلم وجرح الزوجة..

بيحس بغلطتة..

لكن ردة فعل الزوجة أما تحسسة بالذنب والندم..

أو تزيدة وتشعل النار بينهم فيصير يكرهها أو يطفش منها ولا يهمة إذا ضايقها أو لا..

فالصبر زين مع حكمة وحسن أخلاق وتبعل..

ربي إذا شافها كذا بيكون أحنّ عليها من والدتها...

وبيعوضها خير يا في الدنيا أو الآخرة..

لكن تصرفها هذا ماراح تجني منة شي لادنيا ولا آخرة..

وش أستفادت من زعلها وهمها غير وضع غير مستقر

وجومشحون بالتوتر والغضب..

_ _ _ _




مو أنانية..تلاقينة شايف وحاس ومعجبة..

لكن كل مالبست لازم يقول : الله أيش هذا الجمال!!

حتى بيكون شكلة في كل مرة غلط وتملّ منة :30:

لكن المرأة دقيقة في مثل هالأمور...

الرجل يعجب بالشيئ لكن مو ضروري يعبر..بعكس المرأة وأسلوبها وتفكيرها..

_ _ _ _



طيب إذا هي عارفة زوجها لية لازم تسئلة؟؟ :30:

إلا إذا مشتهية زعل وأحد يسمعها هالكلام اللي يسم البدن..

المفروض طالما حاسة فية تهيئ الجو المريح لة..ولا تحاول تزعجة

وتجذبة للسوالف والضحك لو تقبلها أو تسكت وتصد عنة إذا حاسة إنة بيرتاح أكثر..

_ _ _ _



توفر دموعها وترفع يديها كل ماضاقت بها..

لعلها توافق ساعة إستجابة ويهدي لها زوجها ويسخره لها..

أحسن من الدموع والتنهت اللي بيعجز بها ويجيب لها المرض..

_ _ _ _

الله يشرح لها صدرها ويفرج عليها في غربتها

ويسخر لها زوجها ويرحم ضعفها.

اختي # حبوبه #
عدا نصحية الاخوات اللاتي سبقوني ازيد عليها الألتجاء لخالق السموات والأرض بالدعاء ( وليس هناك من وسيلة او طريقة او سبيل لاسترداد الزوج الشارد أو الخائن الا الدعاء لو مهما انفقت او كلمت او احتججت او اشتكيت) .
لا تتركي الدعاء ابدا ،ايضاً حاولي اخراج زوجك من هذا الفخ ، دون ان يشعر بك ، نعم قد تكون المواجهة ليست مجدية مع بعض الرجال ، فما عليك إلا ان تاسري قلبه وعقله ، بالتجديد في حياتكما ، في علاقتكما سويا ، عامليه بأسلوب آخر في حياتك في علاقتك الخاصة معه ، فحاولي ان تجدي له هذا الجو من التجديد الدائم والمستمر وخصوصا في علاقتك الخاصة معه ، وفكري دائما في الطريقة المباشرة لقلبه وعقله ، قد يأخذ هذا بعض الوقت ولكن لا تيأسي ، وحاولي ، عدة مرات حتى تصلي لما تنشديه ، حاولي بين الفترة والأخرى ان تذكريه بالله ولو بطريقة غير مباشرة ، ارسلي له بعض الرسائل عن طريق الايميل التي تبين كيف أن الانسان كما يدين يدان ، وان الله تعالى يمهل الانسان ولا يهمله .ولكن لا تكثري عليه من هذه الرسائل ، واتركي فترة مناسبة بين كل رسالة واخرى، ايضاً هناك بعض النشرات و الأشرطه التي تتحدث في هذا الموضوع ومنها شريط رائع للشيخ عادل عبدالجبار اشتريه وضعيه له في السيارة او البيت عشان يسمعها
وهذا رابط الشريط الرائع للشيخ عادل

http://www.islamcvoice.com/mas/list.php?cat=91&PHPSESSID=a1976a77b68736ec6122ccc4bfe4e68d
واهم شيء لا تنسي الدعاء له في جوف الليل وبعد الصلاة وفي أوقات اجابت الدعاء .
ارجو ان أكون قد افدتك عزيزتي ، أسأل الله تعالى بأسمائه الحسنى وصفاته العلى ان يهدي زوجك لطريق الصواب و أن يفرج كربك .

هلاااااااا بونه ابشررررررررررررررررررررررك ياحبيبتي مشالله الله لايضرهم اظن الله استجاب دعاك..؟.. وتراها قعدت تدعيلللللللك حيل... وانا ما اقول الا عسى الله لا يوريك لا هم ولا كرب مع رجلك ان كنت متزوجه وان لا عسى الله يرزقك باللي يهنيييييييييييييييييييييك دووووم ..... واكيد ان رجلك بيكون له الفخر انك زوجته بذي العقليه والحكمه مشالله الله لايضرك وينورلك درب الايمان والصلاح..... انه سميع مجيب:24: