انا محتاره حييييل ارجع له او اصمم ع الطلاق

خواتي ياعساكم بألف خير
واشكر كل من سألت عني ودعت لي
من خمس شهور تقريبا اوسته وانا عند اهلي
طبعا افترقت انا وزوجي وطلع من شقتنا وتخلص من كل الأثاث وجاب عفشي لين عندي نزله في بيت اهلي>>هذا الكلام قبل خمس شهور
لأني طلبت طلاقي
حصل بيننا تواصل كله هواش وماأخفي عليكم سبيته سب موطبيعي
ومره طلب من اهلي ان نلتقي نتناقش ورحنا لإستراحتهم
اللي صار طار من الفرحه بشوفتي وضمني وسلم علي وبعدها تناقشنا وعصب تقولون محطوط في فرن وتكلم علي كلام عادي بس انا ماقدر اتحمله مدري وش جاني كأنه ذابح امي احترقت والله ودي اقطع ملابسي من القهر لأن ياخواتي لو يقول لي حرف واحد مايعجبني يجيني قهر ماحد يتحمله والله شعور ماقدر اوصفه وقمت ابكي واسبه واصارخ عليه وقام دفني وتفل علي وقمت ضربته وبعدين طلعنا رجعني
وكنت بالطريق اسبه واعايره بأسراره وهوكان يقول اسكتي خلاص انتي تبين الطلاق على خشمي ابشري فيه وبعدين تفلت عليه
ومرت شهور وصار يحاول يرجعني
إلين الحين قال لأهلي انا ابيها بأثث لها بيت واخذها
وترى لا أهلي ولا احد يدري بالمعركه اللي صارت بيننا 
وبعدين انا استخرت وفكرت بكل اللي حصل بيننا وشفت ان كل شي انهدم خلاص ماعاد ينفع نرجع لبعض وتخيلت اني معه في بيت  واحد
حسيت انه قمة الألم لي لأني اشوف ان حنا فقدنا الحب والإحترام
واساسا مدري كيف بطل في وجهه وانا ماده يدي وتافله وسابه
خاصة السب 
على فكره هو ولامره جاء لبيت اهلي كان يتناقش مع ابوي على التليفون
بعدين قلت لأبوي ابي طلاقي خلاص لايأثث بيت ولاشي
وعطوني اهلي فرصه اسبوع افكر وكنت مصره على قراري
واتصل فيه الوالد وبلغه
وقال للوالد لامانبي الطلاق وبكره بجيكم
وفعلا جاء وطلب يشوفني وان حنا نجلس مع بعض لوحدنا
واخذت بنتي ورحت له جلس يلاعب البنت شوي بعدين قال وش الجنون اللي طالعه فيه ليش الطلاق ويمد يدينه لي ويقول هاتي يدينك
وابي اتكلم ويقول اوووص اول شي جيبي يدينك
وعطيته يديني قال يلا تكلمي وطار كل الكلام اللي براسي
وقال الماضي خلاص انسيه انا حاولت انساه خاصة سبك لي
ويقول احبك ومدري ايش
وطلبت فلوس ورفض يقول والله خوش تبين ارضاوه يكفي بأثث بيت من كل شي وبخليك تختارين اثاثك وغرفة نومك
قلت له عشان اتقضى قال خلاص بعطيك ثلاث االاف فقط
يوم جاء يطلع سلم علي وودعني بشوق وحب
على فكره يااخواتي حنا باخر الأسابيع اللي كنت في بيته اكتشفنا ان وحده كابه سحر عند باب بيتنا سحر تفرقه وفعلا كنا كل فتره نتهاوش واروح لأهلي اكتشفناه من الرؤى ومن الشيوخ اللي قروا على زوجي
وهوقال انه تعالج يعني استمر ع الرقيه
بس انا يااخواتي اامل ماقدر استمر وتوني الحين اتفقت مع سواق يوديني انا وامي واخوي الصغير لشيخ يوميا لأن العيال ينشغلون 
وزوجي بيأثث بعد شهر
وش رايكم ارجع
اهلب مكبرين براسي سالفة الرضاوة انه تاركك شهور بلا مصروف والحين ترجعين بس بثلاثه
ثانيا خايفه يكون حاقد علي عشان خرابيطي معه الضرب والتفل 
واخاف انه كارهني بس مرجعني عشان بنتنا والله محتاره مره
واخاف ارجع وتصير مشكله واتعذب اكثر
وبعض من اهلي يقولون لاترجعين انتم دايم مشاكل
وترى اسباب المشاكل تافهه تضحك بس بلحظه تكبر