انا محتاره في اهل زوجي . دلوني

السلام عليكم يا بنات . انا عضوه جديده على المنتدى وكنت من زمان ودي اشترك في المنتدى بس ما قدرت . والحين الحمدلله توفقت . وبجد انا محتاجه رايكم في مشكلتي .
انا متزوجه من ثمان سنوات واول ما تزوجت كانوا اهل زوجي طايرين فيه من الفرحه لاني تزوجت ولدهم . زوجي هو اكبراخوانه الثلاثه وابوه متوفي . وانا ساكنه مع اهله امه واختين . البنات متزوجات بس يجلسون عندنا كثير . المهم جلسنا مبسوطين مع بعض انا واهله تقريبا سبعه شهور فقط. وبعدها بدت المشاكل . لان بنتهم الكبيره بينها وبين زوجها مشاكل وحتى مع اهله لانها نفس الشي عايشه مع اهله وقام ضربها وطردها من بيته بعد سبعه شهور من زواجي صاروا يستخدمون معايه نفس الاسلوب اللي كانوا اهل زوجها يستخدمونه معاها . يغارون من اي شي يسويه زوجي معايه . اذ اضحك معايه جلسوا يومين ما يكلموني انا وياه. اذا وداني بيت اهلي كمان زعلوا منه . اذا نزلني السوق يسوون سالفه . اشتغل لهم في البيت زي الخادمه هي وبناتها . وهو شايف . بس دايما يقلي تحملي بكره بتفرج ان شاء الله . وانا صابره اللين زادت السالفه عن حدها ومليت . وف نفس الوقت ما ابغى اخسر زوجي لانه طيب معايه مره . وجا يوم كنت غايبه عن البيت فتره ودخلت اسلم عليهم وكل ما اقرب من الوحده ابغى اسلم عليها تلف وجهها عني وتقولي بعدي لو سمحتي بدون اي سبب . حسيت الشغله مو مخارجه قلت لزوجي انا ما عاد باطلع عند اهلك وبجلس في غرفتي وجيب اكل من برا . لما شاف الوضع فعلا لايطاق قالي على راحتك . وفعلا ما عاد طلعت من غرفتي .وبدا الكره المزبوط بيني وبينهم خاصه لما شافوه طاعني . انا رايحه وبعدن اكملكم.