انا محطمة .. افكر اترك زوجي والدنيا ..

الله يكون بعونك . و التكيس ليس نهاية الدنيا و ليس سبب اصلا لفقدان الامل فكثيرات يحملن به و هو يذهب تلقائيا (( أسالي مجرب)) و اعتقد ان زوجك الله يهديه المفروض يساندك نفسييا ,, انتي ما حملتي بسبب التفكير و القلق و الخوف .

خل يصبر شوي و حاولوا و الله ان اعرف وايدين اللي 13 سنه و اللي 15 سنه و صابرين و انتي ان شاء الله تحملين قبل بس شدوا حيلكم بالعلاج و الدعاء. و قولي حق ريلج ان المفروض ما يعايرج بهالاشيء و مستانس جدامج بالعرس اليديد ( و الله سالفة)

يا عمري هونيها وما ضاقت إلا فرجت .......

والله حبيبتي ما ادري وش أقولك ....

لكن اللي أعرفه ومؤمنه فيه إن رحمت ربي وسعت كل شيء ....وهو أرحم الراحمين ....

أطلبي ربك وهوقادر سبحانه ان يرزقك بدون حتى طب الأطباء .....

أرجيه وما خاب من رجاه .....

والرجال هذا هم وش حصلنا منهم !!!!!؟؟؟؟؟؟؟.......ولو يوم إكتشف واحد منهم إنه هو المريض كيف بتكون نضرته للموضوع ما ادري !!!!!!!!!!!!!!

إن تزوج أو ما تزوج لا تخلين الشيء هذا يحكم حياتك .....وسعي صدرك يا الغاليه وربك كل شيء يقدره له فيه حكمه سبحانه .....

وعسى أن تكرهوا شيئا وهو خيرٌ لكم ......

و الله يا الغاليه ما أدري وش أقولك أو وش أواسيك فيه ..

لكن قلوبنا معاك وكلنا مرينا ونمر باللي يحصلك الحين ....

وكلي امرك لله ولا تيأسين ولو لحظه من فرج الله .....

الله يسعد قلبك ويفرحك بالذريه الصالحه الباره المعافاه ..

بيكون أسعد يوم اليوم اللي أقرأ فيه خبر حملك إنتي وبنت مجرن وانشودة المطر وباقي اخواتي ...........وما هذا على الله ببعيد .....

عليك بذكر الله ((ألا بذكر الله تطمئن القلوب)).......وعليك بقراءة القرآن وإستعيني بالصبر والصلاه .......

وربك على كل شيء قدير .......

القلب يدعي لك يا الغاليه ......

دُوري

مرحبا اختي دبي برايد
أول شي بقولج تعوذي من ابليس حبيبتي ، ثاني شي انتي انسانه فاهمه مشالله عليج وعافره الصح من الغلط ، كلنا عندنا مشاكل ، أنا مقدره ظروفج والي انتي فيه ، لاتنسين ربج كريم ، ادعي ليل نهار إن الله يهدي زوجج ويوفقج ويرزقج ، لاتنسين الدعاء عند السجود ، وبين الاذان والاقامه ، اكثري من الاذكار ، هذا ابتلاء من ربج ، والله مايبلي عبده إلا لأن يحبه ويبيه يكثر ويلح في دعائه ، صدقيني هذا امتحان من ربج ، لاتضيعين الفرصه بوساوس الشيطان ، كل ماتحسين بضيقه فتحي القرآن واقري ، وادعي ، وانشالله الله بيستجيب لج وبيهدي زوجج ، وانتي حاولي تجددين في حياتج عشان زوجج ينسى ، يعني طلعي غيري جو ، تعدلي له ، حاولي تغيرين ديكور البيت ، هذي أشياء تعدل من نفسيه الانسان ..
طولت عليج وايد ، بس أتمنى أن كلامي وصلج ، لأن عورني قلبي على موضوعج وايد ، وماحب اشوف وحده بهالضعف ,, والله يوفقج .. آميـــــــــــــــــــــــــــن

:( لاحـــــــــــول ولا قوة الا بالله........

اذكري الله غناتي ولا تفكرين بهالتفكير...والله اني اتضايقت من كلامج...واحط نفسي في موقفج...خاصه وان الوحده ماتستحمل اي كلمه ولو بسيطه من زوجها...وين بالج كلام كبير :(
الله يسامح زوجج الصراحه غلطان بتصرفه هذا والي يزيد من الطين بله.. :(
بس حطي في بالج الابذكـــــــــــــــــــــــر الله تطمئن القلــــــــوب.....ادعي في صلاتج ان الله يشفيج ويثبتج ويصلح زوجج............وشلي فكره انج تهجين بيت اهلج........ولا انج تطرين الانفصال عن زوجج ادري انج انتى قلتي حق زوجج عن الانفصال من كثر الهم الي في قلبج..........بس والله ماعرف شو اقولج غير انج تدعين في صلاتج وتكثرين الاستغفار وقيام الليل ...........والله يرزقج يارب الذريه الصالحه يارب ......عاجلا غير اجــــــــــلا....

وااااااااااااايد بنات تعالجو والحمدالله حملو....حطي امل وخلج متفائــــــــــله......
والله عزوجل قال...انا عند ضن عبدي ماكان ضن عبدي بي

لا يأختي لا تتضايقي
أنا بعد عندي تكيس وحملت وأجهضت ولا عندي بيبي للحين
بس أذكري ربج وكثري الاستغفار ترى أنتي بضيقة
وتحسين الدنيا من كل مكان مسدودة بويهج
وأنا حاسة فيج لا تحاتين
وزوجج إن شاء الله ربنا بيهديه وأنتي سايريه
وحطيه بنفس موقفج قولي له أذا كنت أنت المريض مو أنا
ترضى أعايرك بمرضك حتى لو على سبيل الغشمرة ؟؟
وترضى أهددك أني بهدك وبروح بيت أهلي وأتطلق !!!

وحاولي ترقين نفسج وريلج وبيتج

وبأذن الله ربي يهديه وأنتي وسعي صدرج

ترى الدنيا فعلا ما تسووى