انا محطمه من داخلي ومجروحه صيرو لي مثل اخواتي ساعدوني

مرررررحبا

انا تعبانه نفسيتي مرررررا
بشرح لكم مشكلتي بالتفصيل
انا كلامي قليل ماعرف اسولف مثلا سمعت سالفه او قصه ماقدر اقولها لاحد احس اتلعثم بالكلام ويحمر وجهي
كلامي كله روؤس اقلام مع كل الناااااس سواء قرايبي صديقاتي
بس مع امي وزوجي فقط اسولف بس مو لدرجة اني اقولهم قصص او سالفه طويله لاكذا ماقدر بس اهون يعني اسولف
لمن اروح عند احد احس وجودي وعدمي واحد لاتقولون يتهيا لك لان مره كنت مع خالاتي وبنات وكذا ولبست عبايتي وصرت رايحه ومحد انتبه لي وقلت مع السلامه بعضهم ردو وبعضهم ماطالعو اصلا
لمن وحده منهم تقول يلا بروح كلهم يسالون بدري وليش و....
ايه لاني ماسولف وهي تسووولف
حتى لمن يتجمعون محد يهتم ويناديني
وهم ينادون بعض والله مايكرهوني بس عارفين اني سلبيه

حتى على الواتس لمن احد يكلمني والله اسولف واخذ واعطي معه وارد ع طول
بس لمن اكلم احد يطولون بالرد او بعضهم يقولون عن اذنك ...
ولمن يدق الجوال استحاله اكلم قدامهم اتلعثم لدرجة مرا دقت امي ورديت عليها ولمن خلصت قالت وحده من خالاتي حتى امك تتكلمي معها برسميه

تخيلو حتى بايام الدراسه عانيت من الوحده ولاعندي صديقات وهاديه واقول بنفسي وش ناقصني شكلي عادي ليه محد يبيني
لدرجة وحده قالتلي للحين انتي عايشه ؟؟ والله جرحتني هالكلمه كثير الله يسامحها

حتى مع زوجي احسه مايحب سوالفي ولايهتم لها اكلمه ويطنشني واليوم قلتله ليش ماتسولف معي قال بالله هذي سوالف ؟؟؟طيب وش اسولف فيه؟؟
علمووووني انا تعبت انا مجرووحه وبس ابكي من حالي ، كلكم بتقولون خلي ثقتك بنفسك قويه او حاولي حاولت بكل الطرق مانفع شي
ولاتقولون الصمت زين لاوالله الا يتعب ويجيب الغبن
حسسسسو فيني ساعدوني
تتوقعون هذا مرض نفسي ؟؟ او لاني ماعندي اخوات ؟؟
دعوووووواتكم لي