انا مخنوقة اووووووووووى من جوزى

السلام عليكم ورحمة الله اذيكم كلكم انا عضوة جديدة واشترك مخصوص عندى مشكلة ومش عارفة احلها انا بشتغل مهندسة واتعرفت على مهندس زميلى فى الشغل كنا لسة متخرجين اتكلمنا ارتحنا حسيت انه اكتر واحد مناسب ليا فى الدنيا شاء ربنا انه يدخل الجيش 3 سنين استنيته خرج واقعد 3 سنين يدور على شغل وقفت جنبه ومسبتهوش ورفضت طبعا كل اللى اتقدمولى عشانه فضلت وراه لحد ما اشتغل واتخطبنا حصلتله مشاكل فى شغله اهلى اعترضوا وقفت فى وشهم وفضلت جنبه لحد ما اشتغل تانى وربنا كرمه كنت بنزل الف على الشركات واقدم ورقه واوصى هنا واوصى هنا عليه اتجوزنا بعد الجواز وبعد ما ضحيت معاه ووقفت فى وش اهلى عشان مكنش معاه فلوس يجيب شقه قولتلهم ليه يداين يا جماعه انا عارفه ظروفه وهو من بلد وانا من بلد روحت معاه وتركت اهلى وناسى واصحابى وشغلى وفى الاخر ومن اول شهر فى الجواز بان على حقيقيته ووقف التمثيل ابتدت بمد الايد والاهانه والبهدله غضبت مرة واتنين وتلاته مش هقولكم انا ملاك كل انسان لى عيوبه بس هو برده مش ملاك كان بيقولى انتى بتردى عليا كلمه بكلمه وبتعندينى قولت اغير من نفسى وبلاش اضيع حبنا والسنين بقيت لما ازعل اخد جنب واقعد فى حالى لو سالنى مالك وحكيت تبدا الاهانة ووالظلم وطول الوقت انا اللى بغلط وهو بيجى على نفسه ومتحملنى بطلت اشتكى لانه طريقته الوحيده هى الزعيق والتكسير والضرب بقيت اسكت خالص واقعد فى حالى واقول مفيش برده بضرب وبتهان ومش عاجب كنت حامل فضل مضايق جدا وكان بدعى عليا اسقط لانه حابب يشوف اهله وانا صعب اسافر عشان ظروف الحمل لحد ما بالفعل سقط واتبهدلت ونزفت وكنت هموت كان بيعيط عليا وقتها نسيتله كل حاجة وقولت كفايه انه شالنى وكفايه انه كان بيخدمنى وكفايه دموعه عليا بس اول معرف انى خفيت رجع تانى ذى الاول واكتر ولما ربنا كرمنى وحملت تانى كنت مبسوطة اوى انه فرحان حتى لو بيمثل بس اهو بيحاول يعمل اى حاجة تفرحنى بس يا فرحة ما تمت رجع لنفس الاسلوب تانى وضرب وشتيمه وبهدله وانا حامل بقالى 9 شهور متجوزة بس عدوا عليا كانهم زمن بحاله حاسه انى هنت نفسى وبهدلت نفسى وطبعا مش هتكلم على البخل حتى فى الاكل وكانه اتجوزت واحد تانى خالص ادعولى وقوللى اعمل ايه