انا شقتي الحين كان المطبخ مقفل وجددتها وحولته مفتوح لان الشقه ضيقه وتحتاج التوسعه لكن صراحه ابدا مو عملي تقطعين سلطه يحتاس البيت كله الاطفال طالعين داخلين مافي خصوصيه ابدا لو جاك ضيوف يعرفون كل قدر طلعتيه ويعرفون كل الاكلات والضيافه اللي بتقدمينهم .. مستحيل تطبخين سمك الا عند الناس اللي مررره تعدينهم من اهل البيت يقيدك صراحه ...وياسلام برمضان سيراميك البيت بيلمع من الزيت :09: والحين نبني ببيتنا الجديد عارضت بقوه انه يكون مفتوح ولانه بصراحه كديكور حلو قسمت المطبخ بباب سحاب صممت ثلاث ارباعه مقفل وربعه تقريبا مفتوح حق شاي قهوه تسخين كيك شي خفيف .. هذا رايي عن تجربه والحمد لله اني جربت المطبخ المفتوح عشان مااعيد الغلطه مره ثانيه .. قرقرت كثير اتمنى تستفيدي اختي من تجربتي ... دعواتك لنا بالسكن وراحة البال:26:

انا نفس فكرتك
بس فكرت انه عندنا اطفال وماشاء الله دايم البيت اكشن ضيوف مع بزران
فراح اتعب فيه والغيت الفكرة وذحين مره عاجبني واقول الحمد لله الي ماسويته امريكي من غير الريحه
اليتطفش مره وان شاء الله ربي ييسرلكم ولنا

صدقيني جات من صالحك

عاد تخيلي عندك عزومه وعشاء وانتي مدهره في المطبخ ومعصبه وتشيلي وتحطي والناس تتفرج عليكي ومرااااااااااقبينك ابدا مو حلو


وضحكتني ام مجودي وعبودي وهي صادقه

شوفي حبوبه اذا عندك مطبخ خارجي للطبخ حلو تخلين هذا مفتوح لكن انا ماايد ان المطبخ يكون مفتوح والفرن موجود فيه
ريحه البيت بتصير كلها طبخ

السلام عليكم ورحمة الله وبركاته
يااختي لايضيق صدرك واحمدي الله انه جت على كذا خواتي ماقصروا معك
وفيه شي مهم من مساؤه اذا كان عندك شغالة بتعرف كل صغيرة وكبيرة
وحدة من اقاربي سوته مفتوح وندمت اشد الندم وتبغى تصكره باي طريقة
الله يسهل امورنا وامورك وكل مسلم