انا مدرسة علوم وما اعرف ارتب المختبر تكفون ساعدوني

يا قلبي توك جديدة معليش المديرة حابة تستغلك (( وحده تخرب :) )) المعلمة الجديدة مسكينة يالله تقوم بحصصها والمشكلة الكل يستغلها فلازم تكوني قوية شوي والا حياكلوك بقشورك
أطلبي من مديرتك تفرغك من الحصص ترتيب المعمل مش أمر هين وكمان اطلبي مساعدة معك حتى لو هي تساعدك لأنه مش مسؤليتك ترتيبه

عزيزتي ممكن تطلبي مساعدة مشرفة المعامل أيضا
أنا كمان مدرسة علوم بس معي محضرة مختبر وممكن أفيدك بس اذكري محتويات المختبر هل هو مجهز تجهيز كامل ولا إيش مرتب ولا معفوس معك معلمات علوم والا انتي الوحيدة
هل عندك ميزانية للمعمل تقدري تسألي المديرة لأن المعمل أول ما جيت كان وين وصار وين
والله اللي يدخله ما شاء الله وده ما يطلع أبدا بس انتظر ردك ومستعدة أقولك بعض الأفكار

كح كح كح

ترى الى تكتب لك الحين ما عندها معند جدتى بالمختبرات لان لا هى علمى ولا يحزنون لكن نشبوها بهالمادة فكان لزاما عليها ان تتكفل بهالى تسمونه مختبر

شوفى حبيبتي سويت الارفف قسم خاص للكيمياء وقسم لادوات الفيزياء وقسم للاحياء


وسويت الجدار اقسام يعنى لوحات الفيزياء بجهه والاحياء بجهه والكيماء اكيد بجهه

وعلقت بالسقف يكون نازل بخيوط لوحات ارشادية

اممممممممممممممم

ما درى هذا الى تقصدين ولا لا

شكرا شويكار ملامح نجد انا ادرس انجليزي وعلوم ورياضيات 4.5.6المهم انا افكر مثل ابحط رفوف مقسمة لكل فرع في العلوم بس ما اعرف وش اكتب عن الارشادات في المخبتر لانهم توهم ناقلين من بيت مسـتأجر يعني فاضية بس شوية نماذج وشوية مواد كيمائية <طيب الحين لوحات الرسوم مثل اجزاء الزهرة رسم بياني هذي تكون بالمختبر والافي غرفة الوسائل > اللة يجزاكم خير ساعدوني واللة انا مثل الاطرش بالزفة

عزيزتي المحتاره ......والله ما ابغى اخربك ولكن ذكرتيني بالماضي

اول سنه درست في قريه جت مديره جديده واخذت المعمل عشانه كبير وخلته غرفه لها

ونقلت المعمل لغرفه صغيره فوق(مع ان المفروض مايكون فوق امنيا)

المهم لقيت الاغراض مكركبه عند الباب والدواليب وقالت اخر فرصه لك تارخ كذا(طبعا ما اذكر بس اظن كان المده 3 اسابيع)

وتعبت فيه تعب بس ساعدتني شوي المساعده والقهر اني ادفع من جيبي وارتب واشيل واحط

وكل ما اذكر هالشي اموت قهر لانه مو واجبي واذا كان لازم ولابد لازم يتخفض النصاب

وسمعت ان المعمل اذا كنتي مسؤله عنه يحسب عن اربع حصص بس مو متاكده

شوفي عزيزتي لاتشيلين هم ممكن تسوين اشياء بسيطه ...مثل ترتيب بسيط وغيره لكن من البدايه تشتغلين فيه صعب جدا ولازم تعرفين حقوقك والي لك والي عليك

للاسف انا مانعرف واجباتنا بالضبط ويستغلونا بعض المديرات

السلام عليكم
كل شيء خاص بالمعمل من لوحات لا بد ترتبينها بالمعمل
يعني كان عندنا بمعملنا لوحات كثيرة في البداية جبينا صندوق طويل خشبي لصقنا عليه بورقه قائمة اللوحات الموجودة وأرقامها وبعدين وضعنا بداخله اللوحات مطوية بشكل اسطواني وكتبنا على كل وحده ببطاقة صغيرة معلقة فيها اسم اللوحة لسهولة الوصول إليها طبعا هذا لو كان عدد اللوحات بسيط لكن لو أصبح كثير مثلنا مؤخرا الأفضل تشترين فلين بعدد اللوحات وتلصقينهم عليها وبكذا توصلين بسهوله لها بس تكلف ماديا والاخوات ماقصروا بعد وأي سؤال حاضرة