انا مزاجية نمبر 1

بنات انا مشكلتي مشكلة
انا متزوجة وعندي عيال والحمد لله
لكني مزاجية رقم 1 فظيعة شوي اكون رايقة وامزح وشوي وبعض الاحيان بدون سبب انعفس ولا اطيق اكلم احد او احد يكلمني وارد عليه بنفخة حتى من قبل ما اتزوج هذا طبعي للاسف وازعل من اتفه الاشياء ساعات اقول اني صدق سخيفة ذا الشيء ما يستاهل هالزعل ذا كله ابرطم واصكر على نفسي الغرفة او اقعد عند الكمبيوتر او اقرا وبعدين اقول لزوجي الي فيني ودائما يقول لي غيري من هالطبع السخيف والا باشوف حل معك
مرة حنيت عليه علشان يشتري لي جوال ما رضى مع اني موظفة وعندي فلوس وللاسف ياخذها برضاي ويدفع اقساط البيت والشغالة الخ الخ المهم طقت في راسي واقوم ابيع شوي من ذهبي واعطيه الفلوس واقول له يالله طلع لي الحوال وهذي الفلوس قام عصب علي ولا كلمني واحاول ابرر له ما يسمع المهم ثاني يوم شفت على التسريحة رسالة منه يقول انه بياخذ العيال مني وبيوديني لاهلي جتني صدمة من كلامه وبعدها حاول يسترضيني وانا اذكره بها الرسالة يقول خلاص انسي لكني ما نسيت والى الان ما اثق فيه مع ان السالفة هذي لها 3سنوات لكن احس ان ما انسى هذا الكلام حتي اني صرت باردة اكثر من اول
على فكرة اهلي مو مهتمين ودائما زوجي الا على حق وانا الغلط لما زهقت ياربي ما ادري وش اسوي قولوا لي وش الحل ودي اغير من نفسي لكن ارجع لطبيعتي النارية ساعدوني الله يعافيكم