انا مستاءه من تصرفات اهل خطيبى اليه دايما يظلمونى ربنا يسامحهمادخلوا قولولى اعمل ايه

السلام عليكم يابنات

في تانى اسبوع في رمضان امى عزمت حماتى ووالد خطيبى واخوات خطيبى
على الفطار وياريت عجبهم نزلوا زعلنين الحكايه من الاول ان امى طلعت
لحماتى لانها ساكنه قدامى في البيت اليه قدامنا وعزمتها واتحيلت عليها
عشان تيجى تفطر غير المكالمات اليه امى اتصلتها بيها عشان تيجى تفطر
معانا والعزومه ماشاء الله متكلفه جدا وابويا من النوع اليه يحب انه يعمل شئ يشرفنا قدامهم
وكان همنا كلنا انهم يكونوا نزلين مبسوطين لاكن حصل غير كده بعد كام يوم من
العزومه امى بتتصل بحماتى امى تسالها مالك تقولها مفيش تعبانه واتصلت
بيها مره تانيه وبتسالها تانى تقولها مالك راحت قلتلها الصراحه انا زعلانه وبناتى
زعلانين حتى بناتى حلفين انهم ميجوش عندك تانى لانك ماعطتينا وجه لما طلعنا
عندك امى زعلت من كلامها لان امى كانت في اليوم ده تعبانه بس كانت مداريه
ومبينتش خالص انها تعبانه حتى في الفطار امى مكلتش وكل همها انها تحط ليهم الاكل قدامهم
امى راحت لبست وطلعت ليها واتاسفتلها واتاسفت لبناتها اليه هما قد ولادها امى زعلت
انها نزلت من كرمتها وراحت اعتزرت على حاجه معملتهاش حتى كلمه شكر من حماتى لامى
مقلتهاش المشكله ان كل مره على كده تحصل مشكله امى متكونش غلطانه وتروح تعتزر
وامى قالت ان حدالله بينى وبينها ما هروح لها تانى المشكله ان حتى معايا حصل نفس الشئ
كذا مره احس بظلم منهم واعتزر على حاجات معملتهاش وفي مشكله تانى حصلت من يومين
كنت بكلم اخت خطيبى الصغيره وبقولها انها تفهم حماتى كان موضوع كده وقولتلها لحسن
تفهمنى غلط وتفتكر انى كدابه اصلي حسه ان مامتك زعلانه منى راحت اخت خطيبى
نقلت لمامتها الكلام غلط وقالتلها انى بقول ان مامتك زعقتلى في التليفون وطبعا راحت
حكت عكس الكلام لقيت حماتى اتصلت بيا وهزقتنى جامد لدرجه انى مش قدره
انسي كل كلمه قالتها ليا ومش قدره اسامحها لقيتها اتصلت وتقولى انتى
في ايه انا زعقتلك وانا برد ومش فهمه حاجه بقولها طب افهمى كلامى انا
خيفه تفهمينى غلط ولسه ما كملتش كلامى الا وقالتلى لا احنا بنفهم
كويس اوى انتى مش مظبوطه انهارده هو انا هزعل لما تكلمى ابنى وقفلت
السكه في وشى وقالتلى خلاص عشان منغلطش في بعض وقفلت السماعه
وكل ده انا منطقتش معرفش في ايه كلمت خطيبى على النت لان خطيبى
مسافر بيشتغل في الكويت
وحكيتله قعد يقولى عشان خاطرى روحلها لو بتحبينى روحيلها الصراحه صعب
عليا لانى مش عيزه اعمله مشاكل وهو تعبان في شغله وظروفه وحشه
المهم طلعت لحماتى وانا عصره لمونه عليا وفهمتها قالتى بنتى فهمتنى
غير كده واعتذرت وانا بقلبي بموت وبتقطع من الكلام الجارح اليه قلتهولى
وانا نزله قولتلها متزعليش وهى قالتلى متزعليش متحكيش حاجه لبنتى
تانى لانها مبتعرفش تحكى تعالى قوليلى انا للاسف اليه بيحصل ده حصل كذا مره
وانا من النوع اليه كرمتى بتوجعنى اوى ومبتحملش اهانه من حد عمر ما حد
اهانى او قفل السماعه في وشي وانا الحمد لله امى مربينى كويس
مقدرش ارد عليها مهما حصل بس حسه ان خطيبى عمره ما قلها انتى
مزعلها ليه ولا عمره اتكلم معاها حسه كل اليه يقولهولى معلشي
اطلعلها ومنزعلهاش انا اتخنقت خلاص فاض بيا لحد امتى هيفضلوا
يظلمونى واروح اعتزر والغلط بيبقي منهم وانا الحمد لله ربنا وحده عالم
انى عمرى ما زعلت حد ولو بكلمه صغيره ومبجبش سيرتهم الا بكل خير
المشكله انهم جم عليا كذا مره ومره اخته قعدت تقول لخطيبى عليا انى
خدمته وهو الكلب بتاعى حتى ولا فكرت تعتزر ولما زعلت خطيبى قالى
اطلعيلها انا مش عايز مشاكل بس الصراحه المرادى زعق لاخته على
كلامها اوقات كتيرالاقي خطيبى مبيعملش حاجه ويقولى مش عايز ادخل
بينكم منك ليها بس حسه انه مش عامل كرامه ليا لازم امه تحترمنى اكتر
من كده واخواته كمان كل يوم ابكى على كرامتى انا كنت متسامحه طول
حياتى مع الناس كلها لاكن من كتر الظلم قلبي بقي اسود وكل حاجه
اتعملت فيا فكراها وحسه ان كل اهانه اتهنتها لازم اردها حتى لو بعد
سنين حتى امى حسه انها ززعلانه وصعبت عليا انها بتعتزر لعيال قد
ولادها وهما عمره ما اعتزروا على شئ احنا فين كرامتنا اليه اتنزلنا
عنها والله حسه بمراره :icon33::icon33:وحسه انى عمرى ما هسامح
خطيبى لو فكر يقولى اعتزرى على شئ تانى وانا مظلومه قولولى رائيكم
في المشاكل اليه حصلت ورئيكم ايه انى ابعد عنهم وزياراتى ليهم ومكلماتى
تبقي قليله عشان متحصلش مشاكل ولا ايه والمصيبه ان شقت جوازنا جمب
امى وحماتى يعنى ياويلى بعد كده والله مع العلم ان امى تستحمل كل ده
عشان خطيبى لان امى بتحب خطيبى وبتعتبره زى ابنها وكل حاجه تقولى عشان
خاطر هعيون احمد بس على العموم حسبي الله ونعم الوكيل في اليه ظلمنى
ومش مسمحه من كل قلبي اه نسيت اقولكم المشكله بتاعت حماتى ولما قفلت
السكه في وشي انا محكتش لامى عشان المشاكل متكبرش وكذا مره تحصل
مشكله مقولهاش عشان امى تعبانه ومتستحملش كل المشاكل دى:44:

اسفه طولت عليكم