انا مستاءه ومقهوره

السلام عليكم يالغاليات
يمكن يكون موضوعي مو ذات اهميه:(
بس انا والله من القهر اللي عايشته :44:

ابقولكم نبذه عني وعن حياتي

اولا انا انسانه متزوجه ولي 3 اطفال 12 و8 و5سنوات
المهم زوجي ماعليه قاصروعنده فلوس
وكل شي يسويه لنا ولا يقصر>>>>>>قولوا ماشاء الله
المهم الصفه اللي تقهرني فيه انه رافض نسافر برا السعوديه حتى لدول الخليج
مبرره ان الحرمه اذا طلعت فسقت
هو انسان رحاله يدوج الديار اللي يبي
وانا وعيالي لا لا لا
ما ادري وش الحكمه:44::confused:

انا مجتمعي كلهم يسافرون
حتى اهلي >>>>>الله يرحم امي

اقوله اهلي بيطلعون لدبي بعد اسبوعين قال واذا
قلت ابي اروح معهم اذا انت ماودك تطلع معنا
قال اذا حجت البقره على قرونها تطلعين انا اقول لا يعني لا
روحه برا السعوديه لاتفكرين فيها وانسيها>>>>>>ودي اطرش من القهر اذا قالي كذا


اكيد بتقولون هاذي مو مشكله علشان تطرحينها وتسوين لها موضوع
انا اشوفها مشكله

انا من النوع اللي احب اشوف واطلع
ودايم مواقعي بالنت اشوف المدن

اخوي يسافر
اهلي يسافرون
وحمولتي مايجلسون ماشاء الله
حمواتي كللللللللهم
عماتي وخالاتي
بس ربي بلاني بواحد ضد هذا الشي
مع انه مهب متخلف او بدائي ولا يحب التمشيات بالعكس ديار السعوديه كلها رحنا لها
بس هو رافض برا ليش ما ادري:(:(:(:(:(
>>>>د>ادوختكم

اللي بتقول السفر كلام فاضي واحمدي ربك على العافيه توفر كلامها لها
لاني انا انسانه واعيه وفاهمه
والحمد لله على الصحه والعافيه
بس انا بخاطري ارووووووح واسافر واطامر
مليت ديار السعوديه مليت من كثر ما روح لها واشوفها
يمكن اللي مطيشني زوجي لو كان مايسافر تهون علي لكن يسافر ويشوف ويستانس وانا وعياله منحجرين ولا ولا ولا
ابي اي وحده تدخل تقولي وش اسوي معه اذا عندها فكره او شي اسويه تطرح لي وتقولي



وتراي احذر اي وحده تقول ترى هذا مهب لازم وماله داعي>>>>>>>>>>> ابدعي عليها

اكيد اغلبكم جرب السفر وش هي متعته
وانا بعد حابه اجربه مثلكم
قولولي بس وش اسوي وانا اسويه
حاليا بديت اجيه بالمسايس

وادعي ربي اذا كان لي فيه خير يرزقني السفر على حسن حال

تكفون دعواتكم معي
خاصه بهافتره ودي اغير احس مكتومه ومتضايق بعد وفاة امي


اشكر مقدما اللي ترد
وسلامتكم بأنتظاركم