انا مستنزفه ماديا وعاطفيا وجسديافهل اتطلق

يا بنات انا موظفة متزوجه من سنتين وعندي بنت ست شهور. تزوجت وعمري 32 شاب يصغرني بعامين وتوظف رسميا بعد زواجي راتبي أعلى من راتبه .كانت وصية ابوي لي اول ما خطبني اني ما اخذ له قرض. ولا مدحه ولا ذمه لي لأني تأخرت في الزواج وأخواتي كلهم تزوجوا فشافها فرصة لي بدل ما اقعد ولا أتزوج واحد اكبر مني بعشرين سنة معدد . انا يا بنات ذاك الشهر الي انخطبت فيه انخطبت أربع مرات كلهم شباب بعضهم احسن منه لكن استخرت واخترته كنت ذيك الفترة القرآن ما ينزل من يدي وحتى الماجستير الي طقت روحي اني اكمل جاني قبول نهائي ذاك الشهر فسبحان مغير الاحوال.
المهم هذا الإنسان تمت امور الخطبة والملكة بسرعه إلا في تفاصيل ابوه عقدها شوي وهو وقف وسوى الي أبغى رغم ما طلبت شي اكثر من أغلب البنات.
وتزوجت وشفت انه ايام يصد عني وايام يقبل و اخرت الحمل سنة عشان ادرسه زين ولأسباب أخرى.
طبعا بعد الزواج مافي هدايا ولا كلام حلو ولا مطاعم زي العرايس وسكت وبكيت من جوى وبلعت رغم اني اقوله جيب لي لو ورده . ولاحظت انه شكاك شوي بس ما دققت. ويوم حملت ربي فضحه لي . مو مخلي موقع لتعارف إلا مسجل فيه و حسابات في تويتر خليعه يتابعها ولقيت محادثه لوحده يقولها ليش ما تطلعي معاي . كنت حامل ومنهاره من وفاة ابوي ومالي حيل قطعت نفسي بكا وحزن عشان هالسافل وبعد ولادتي رجعت البيت لقيت جني مو انسان عديم الرحمه مو هاين عليه يجيب واحده تنظف البيت عني يبغاني انا انظف ولسى ما خلصت الاربعين . قلت يمكن يتغير بعد بنته . طيب وان تطلقت وش اقول لبنته وش اقول للناس الي مستكثرته علي اولهم امي تقولي احمدي ربك .
انا شايله نفسي وبنتي لان راتبه قليل وأشياء بالألف اشتريها في البيت و رافض اجيب شغاله و رافض السفر. احس اني مو مستفيدة شي من هالزواج إلا أن بنتي ما تكون ضحية طلاق . هل استمر معاه ام أنجب ابناء منه واتطلق لأني كرهت الرجال كلهم و عندي رغبه في الاولاد ابغاهم ذخر لي.يارب فرج كرب من ترد علي.