انا مصدومة :(

بنات انا مصدوووووومة
:( :(
زوجه اخويه لها 15 سنه متزوجته احتكاكي فيها قليل جدا لاني متزوجة في مكان ثاني من عشر سنين
صار لي معها موقف وثارت فيني بطريقة تخوف وغريبه حسيتها ماهي طبيعيه بس والله حزت بخاطري لاني ضيفه عند اهلي وبسافرمع زوجي الخارج بعثه بعد اقل من اسبوعين
السالفه ان بنتي الصغيره عمرها 3 سنوات لقيت فيها قمله قمت قلت لااختي وزوجت اخوي الثانيه فتشو روس بناتكم لقيت في راس بنتي قمله اخاف يكون فيهم وعدوها لان بنتي مادخلت المدرسه وماتختلط بطالبات زي بناتكم هم بنفوس طيبه فتشو وقالو مالقينا شي
اللي صار معها الزعل جات عندنا وقلت لها ترى بنتي لقيت فيها قمله شوفي بناتك ترى البنات ينتقل القمل فيهم من المدارس قامت قالت فعلا بنتي من اسبوعين لقيت فيها وعالجتها وقالت لي كلام غريب انتي صدمتيني ووش قصدك انتو دائما تسبوني قلت لها انتي زي اختي قالت لا انا ماني اختك وتاشر بالسبابه في وجهي وتعيد الكلمه كم مره
قلت خلاص لو فرضنا منتي اختي احنا عشره 15 سنه انتي معانا ولا اعتبري نفسك جارتي المفروض ماتزعلين من كلامي وبناتك هم بناتي حتى لو جاهم مابعايرهم اناعمتهم واللي يصبهم يصيبني وانا ماقصدت اقولك شي ويوم قلت لك قصدي انهم انعدو من المدرسه ماقصدي انك ماتنظفين بناتك وشوفي اختي سبق وجاء بناتها وعادي عالجتهم مو معناه ان اختي وصخه بس هو يجي طبيعي من المدارس وترى ولدي راح للحلاق قبل اجيكم ممكن انعدى من الحلاق يونقله لاخته لاني لقيت في راسه بيض قمل وقمت قلت لها عالعموم انا اسفه ماتوقعت نفسيتك كذا وسلمت على راسها
قالت انتو تسبوني وتقولون ان ريحت بيتي من الدرج تشمونها قلت لها انا قلت لك كذا قالت لا مو انتي بس ناس من العايله انا عارفه انها تقصد امي صدق يصير بينها وبين امي احتكاكات بس يعلم الله اني دائما اوصي امي على حريم اخواني واذا صار موقف بينها وبينهم التمس لهم العذر عشان امي ماتزعل منهم والحمدلله ماعمر احد منهم زعل مني بالعكس يحترموني وخصوصا اني احتكاكي فيهم قليل اجي ضيفه واروح
المهم وش اسوي معاها طبعا النقاش ذا كنت انا وهي واختي اختي مسكينه من الفجعه جلست على الكرسي ومافتحت فمها بكلمه ويوم طلعت قالت اختي قولي لااخويه لاتروح هي تقوله وتوصله الصورة غلط انا مادري وش اسوي علما بانها ماودي اظلمها انسانه تخاف الله وحافظه القران دائما اسمع ان نفسيتها صعبه بس اول مره اطب في موقف معها والله نفسيتي زي الزفت ودي ابكي كرهت الجلسه عند اهلي رغم ان ودي اشبع منهم قبل السفر بس احس كرهت الجلسه معد ابي اشوفها احس اني كرهتها ولا ابي اقول لزوجها وتكبر المشكله ابغا الموضوع ينتهي بحيث تستحي من نفسها من غير ماسببلها مشكله مع زوجها ولا تسببلي احراج مع اخوي