احسن لك حتى اذا تعرفتي على بنات خلي علاقتك بهم سطحيهلان محد يدري اش وراهم

ذكرتيني بنفسي واللي صار لي مع البنات

تعرفت لي على وحده وماكنت اعرف عنها إلا كل خير ....فجأه اختفت وتسكر جوالها وصارت تغيب

حاولت اسأل عنها ومحد اعطاني وجه من اهلها
ويوم رجعت للكليه رجعت تبكي وتقول طلعيني من مصيبتي ومصيبتها وصلت لأبعد الحدود اللي ممكن تخطر على بالك ..... يعني بالكبيره

والله ماهانت علي ولاقصرت معها
وطلعتها قد مقدر من مشكلتها وقفت معاها نفسيا ومعنويا
وظليت اسحبها للمحاظرات الدينيه اريدها تلتزم ويوم التزمت ...نور الله دربها وهداها وحقق لها اللي تريده رغم انها خسرت اهم شي للبنت
وماهان علي اتركها علشان بس ما اجرحها ولا كثير نصحوني ابعد عنها وانا ساكته ماقلت لها ماريد اجرحها بشي واقول ترا وصلني كلام كذا وكذا

وظليت معاها للآخر وفجأه بدت تشوف حالها وتحسسني ان فيه فروقات بيننا وانها احسن مني ولا ادري على ايش يمكن بس لأنها قبل كانت نحيفه حيل ويوم التزمت الله عطاها الجسم اللي تريد واحلوت وصارت بها شوفة نفس
وتتهمني اني اغار منها عند البنات ووصلني هالكلام وسكتت ماصارحتها بهالشي لأني ماريد احد يدخل بيني وبينها وكنت خايفه اتركها وتضعف وترجع لفضايحها اللي كانت عليها

وبالاخير بهذلتني وسوت لي مشاكل مع البنات واتهمتني بشي ماعرف وش والله وخلت صديقاتي يتركوني والله اني خايفه انها حطت بلاها بي
بس سألت وحده وتقول انها ماحطت فيني شي بس تحذر البنات مني اني اجيب الكلام للبنات واشوه سمعتهم حسبي الله عليها ويوم طاحت مالقت غيري يشيلها من الوحل اللي كانت غرقانه فيه

وقاال ايش صارت ملتزمه والاكيد انها منافقه لو انها ملتزمه خافت الله وماسوت فيني اذى بعد ماجاها معروفي

وماقطعت ايد انمدت لها ولاااا بحياتي منيت باللي سويته والله يعلم وش اللي سويته معاها

وخلتني بدون صديقات .... والشرهه بعد مو عليها هي قذره من جوا وطباعها تغلب تطبعها بس الشرهه على اللي صدقنها بدون دليل ومشن معها بس علشان قرابه او علشان شكلها اللي غرها بنفسها ونست قدرة الله اللي يقدر مثل ما اعطاها ياخذ منها

وكانت صدمتي كبيره ماتنوصف بجد بذيك الايام اظلمت علي الدنيا بس تحسبت الله ودعيته ينصرني

وبإذن واحد احد مايخيب من دعاه .... وتوكل عليه

وماقول غير حسبي الله ونعم الوكيل
وصرت الحين ما اماااااشي بنات ابد اللهم علاقات سطحيه كل فتره مع بنات شكل ولا اربط نفسي بأحد لحد ما اتأكد من البنت اللي اماشيها

والحمدلله انا مرتاحه كذا
ومع هذا كله البنت ذيك ماتركتني بحالي ولا كفاها اللي سوته فيني والظلم اللي منها لي ظلت لآخر يوم تمشي وترمي علي كلام وتعمل حركات اطفال من تضحوك وحركات وانا ولله الحمد حاطه فبطني بطيخه صيفي ووااااااااااثقه انها ماتسوي كذا غير من حر مافيها ...ولأنها تعرف قذارتها ....اللي انا اعرفها وهالشي مو عاجبها

ومع ذلك مطنشه وتاركتها تبين للبنات خبالها
لأني اكتشفت ان كل البنات عارفات سوالفها بس محد مصارحها بوجهها
وهذا الشي بعد عطاني دافع اني احرص قد ماقدر اني اتجنب اشكالها لأنها مصيرها الفضيحه اذا ماتابت من ظلمها لي والعياذ بالله.... وهذي بشاره زفها لي ربي بالمنام وانا انتظر الفرج ويارب فرج كربتي وانصرني على من ظلمني


يعني من شاف بلا غيره هانت عليه بلواه ... اذا انتي بس اكتشفتي انهم قذرات وتركتيهم او تحطمتي لأن ظنك خاب بأخلاقهم

انا عرفت قذارتها وطلعتها منها وسوت لي مشاكل الله يعلم بها وحطتني بذهول كبير طولت ماطلعت منه من كبر الصدمه لأني توقعت انها تكون آآآخر انسانه ممكن تؤذيني على اللي سويته بها

ابتسمي ... وانسي ..... ودوري غيرهم وتقدرين تروحين للمصلى وتحتكين فبناته وان شاء الله مايخيب ظنك فيهم

تعلمي ...مثل ماتعلمت ..اني ما اثق بأحد ... واذا صار وجتني وحده بمشكله انا بعييييد عن هالمواضيع .... ولا لي دخل بأحد ابد اللهم اذا دخلت امي بالموضوع اذا كانت البنت تعز علي بعد

علشان ارتاح نفسيا مهما صار .....والدنيا احلى من كذا بكثير ... ماتصدقين اذا قلت لك ان حياتي بعد ظلمها لي اسسسسعد سبحان الله الله ماياخذ شي إلا لآنه يحبــــك ويريد يعطيك احسن واللي يناسب حبك لله وخوفك منه
وهذا اللي صار معي علشان كذا انا يوم صرت اشوف الموضوع من هالمنظار ما اندم على بنت خاب ظني فيها بأي طريقه لأني اعرف ان ربي يحبني ويريد لي الاحسن وانهم ماكانوا مناسبين لي ولا لحبي لربي وحب ربي لي

اعيش وحيده ولا اعيش مع بنات ذليلات بشرفهن ..... وهذا آآآخر الكلام


في امان الله

الصديق الصدوق نعمة ومنة من الإله , وقد قيل (من الصعب أن تجد صديق والأصعب أن تحتفظ به) فأنصحك أختي بالتالي /
أولاً // أدع الله أن يأجرك في مصابك ويخلف لك خيراً منه , ثم اعلمي أن الصديق عملة نادرة ولكن ليست مستحيلة أو خيالية .
ثانياً // عليك أن تكوني أكثر حيطة وحذراً في المرات القادمة إذ لا بد أنك الآن أصبحتي أكثر خبرة ودراية من قبل , عزيزتي تستطيعين استشفاف شخصية من أمامك من تصرفاته وردة فعله وكلامه في جميع المواقف , أضيفي إلى ذلك أهمية أخذ فكرة عن الحياة الأسرية للطرف الآخر لما لها من الدور الرئيس في بلورة شخصيته ومبادئه .
الله يوفقنا ويوفقك

لا يا حبيبتي الدنيا بعدها بخير.......وانتي ما لا تعلمين حكمة لله في ان تمري بصداقات غير سليمه.........والصداقه لا تأتي بميعاد.... وربما في يوم من الايام وانتي جالسه حدث ما تسامرتي مع احدى الفتيات بعدة كلمات ويتبعها فراق وبعد الفراق سلام واذا هي اصبحت من اعز الصديقات....
وبأذن الباري يتتحقق مناك.

بالعكس حبيبتى منتى فاشله هن الفاشلات
اثبتى على موقفك كلها ايام وتعدى وتصير الكليه مجرد ذكريات
حاولى تكونين صداقه مع اختك ا و قريبه ثقه والله يقويك ياغاليه