استخيري ماخاب من استخار

ياعمري انتي وش معجلك على الزواج من زين هالرجال كل واحد اردى من الثاني الامن رحم الله وهم قليل

جربتي حظك وش استفدتي كل شوي تنصدمين ......... راي اهلك صواب شيلي فكره الزواج من راسك وربي ولدك وعيشي حياتك وطوري من نفسك بعلمك واهتمامك ............ الحياة حلوه وماوقفت السعاده وانا اختك على رجال حطي هالكلمه حلقه في اذنك..

توكلي على الله الزواج شئ لابد منه سنه الحياه بس تأكدي من جديته وانك مو مجرد تجربه جديده
وربي يوفقك وترى اهلك ماراح يدومون لك وطليقك على قولتك مسحور يعني ماله فيك ولايدري عن ولده
وربي يسعدك في حياتك استخيري وشوفي حياتك وربي يكتب لك الخير
ومو كل مه يجيك رجل طيب تأكدي اهم شئ ترى الزواج حياه مو يوم وليله وشئ ماتقدري تستغني عنه
وربي يغنيك بحلاله عن حرامه

تزوجي بس ماعليك من احد

محد نافعك بكرا الا زوجك وعيالك وبيتك لا اخوان ولا اهل

وزوجك الثاني اذا مسحوور ماراح يفكر بولده ابد

وحرام انتي توك صغيرة تزوجي وصدقيني ربي بيعوضك

كل واحد او وحده عايشه مع زوجها وباحضانه وتقول لا لاتتزوجي ومدري ايش وجربتي حضك

وشي جربتي حضك هذي سنة الحياة لازم وجود رجال بحياتك لازم يكون عندك بيت وعيال ولدك ذا وش بينفعك بكرا اذا ضاع عمرك حتى هو بيتزوج وبيروح مع زوجته


واعرف وحده عندها عيال 3 وعمرها 39 ومع ذلك راحت وتجوزت بعد طلاق مرتين وعايشه مبسوطه اللحين وهي عمرها 39 مو مثلك صغيرة

الحرمه مهما كان محتاجه لرجال محتاجه لبيت اجل اقعد عند اهلي ولا عند حريم اخواني ولا نظرة الناس اللي تحوم الكبد

خل على الاقل حتى لو كان زوجي يحوم الكبد طبعه يكفي تكون عندي بيت واسم رجل يفكني من الناس ونظراتهم واحفظ كرامتي


وشوفي عندي 3 نماذج مثلك قريبات لي تطلقوا مرتيين وانواع الظلم من ازواجهم الاوليين


واللحين ماشاء الله تبارك الرحمن عايشيين مع ازواجهم احلى عيشه الله لايغير عليهم

لذلك مادام وعدك ان شاء الله انه قد وعده

وانتي استخيري ربي

وعلى طوول ادعي اذا فيه خير لك يارب تسهل امورك وياه واذا شر تبعده عنك

الله يعوضك ويرزقك الرجل الصالح

لا لا لا لا لا لا لا لا لا .. تتزوجي قبل ما تعرفي مصير ولدك ..ايش تستفيدي تتزوجي وبعدين زوجك ياخذ ولدك .. شوفي انت ايش عملو فيك ... وهذا الي خاطبك ايش ضمنك انه راح يرضى بولدك .. لازم اختي تفكري زين
يعني فكري بالزواج بس شوفي مصير ولدك واطمني عليه وبعدين وافقي اهلك معاهم حق