انا مطلقه وشوفو قصتي

مادري كيف ابدا انا  مطلقه ومعي بنتين  وابوي متوفي  تطلقت قبل سنه ونص وطليقي  تزوج من ست شهور واهل طليقي مشوهين سمعتي عشان مااتزوج حتي طليقي يمشي ويتكلم عني بالشين جاني الخبر من واحد قريب لنا  وطليقي اصلا ضعيف الشخصيه عند امه ويسمع كلامها بكل شي صبرت وحاولت الين تعبت ترمي علي الكلام وهو قاعد جنبها مايقول شي واذا رجعت وقلت له ذي مي بحاله يرد علي امي تتدوس علي راسي وراسك عاجبك ولا روحي لاهلك غير مكالمات اخواته بالليل والاسرار ويسبوني يابنات بس يقولون فلانه تقول بزوجتك كذا وهن كذابات عشان يطلعنون منها وتصير بيني وبين الحرمه هذي مشاكل والاهم بيني وبين زوجي مشاكل والمشكله هو مصدقهم وانا صابره وساكته الين امه بدت تسيطر علي بناتي ومره طلبت من زوجي انه بنتي تنام عندها بحجة انها تبي تعالجها مع العلم انها ماتعرف تعالج سبق واعطتني علاج شعبي واعطيته بنتي ودخلت المستشفي ترقيد عشر ايام الحمدلله اللي لحقنا عليها ماتوفت المهم ترك البنت عندها عشر ايام وانا اقول جيبها مافيه فايده وبعدين صارت مشكله وحصل الطلاق غير تدخل خواته بالموضوع وتلفظهم علي والحين طليقي مستمر ياخذ بناتي كل اسبوع طبعا من بعد المحكمه ولما يجوني يقولو لي انتي مو امنا وربي بيحطك بالنار ويتفلون علي واقول لهم ليش من يقول لكم كذا يقولون ماما.....يقصدون جدتهم واذا تتفلت علي عندهم يضحكون ويصفقون لها ويقولون لها بابا بيجيب ولد احسن منكم طيب البنات وش ذنبهم  والمشكله اختي متزوجه ولد اخوه من حرمه ثانيه وحياتها تأثرت بعد طلاقي وتسمع مدحهم للحرمه الجديده وشافتها تقول فرحانين فيها يابنات انا تعذبت هم يتحرون بنتي توصل السبع عشان ياخذونهم وانا مااتحمل فراقهم مادري القاها من مصاريف البنات وتربيتهم وسط اهلي خصوصا انه اهلي من النوع اللي دايما عندهم زيارات وخواتي وزوجات اخواني دايما عندنا اذا ماقلت معتمدين علينا مره بكل شي وبناتي من النوع المتعب شوي ماينامون الا اذا راحت الناس وليتها علي كذا وبس واذا سمعو صوت احد علي طول يقومون ويقعدون يبكون والناس ماهم متفهمين لحالتي والله تعبت غير تدخل اخواني ببناتي وخناقهم علي الطالعه والنازله حتي انهم صارو مره خوافات من كثر المشاكل والضرب اللي يشوفونه قدامهم 
حياتي كأبه وبؤس ودموع انا ماغلطت عشان يصير لي كل هذا حتي خواتي ماتزوجو بسببي شوهو سمعتي اعتزلت الناس وحتي خواتي مااجتمع معهم طيب ليش الظالم يعيش حياته من احسن شي والمظلوم يعيش بعذاب حياتي ملخبطه وظروفي صعبه طلبتكم ادعولي ربي يفرج كربتي وينصرني عل من ظلمني حسبي الله ونعم الوكيل