انا مظلووومه

السلام عليكم ورحمه الله وبركاته

ابي ادش في الموضووع لاني انا حدي متظايقه...

وابي رايكم تكفوون لا تبخلوون على بالرد ...


انا بنت عمري 18 سنه .. عندي بنت خالتي عمرها 16 سنه واختها 15 سنه دايما مع بعض طلعات وجيااات لدرجه مايطوف اسبوع الا وانا نايمه في بيتهم او اهي نايمه عندنا ..


المهم صارت مشكله بينا احنا البنات وتبلت علي بنت خالتياللي عمرها 16 بكلام انا ما قلته وراحت تمشي وتفضحني بين الناس والكلام هذا حده قوي اللي يسمع الكلام يقوول عني كلام مو زين مع ان انا ما سويت شي والله ولا طلع مني هالكلام ..


رحت انا قلت حق امي السالفه .. وامي دقت على خالتي قالت لها شنو الكلام اللي بنتج مطلعته على بنتي ؟؟

تقول بنتي ماتكلمت ولا قالت شي يمكن بنتج اهي اللي تبي تسوي مشاكل بينا وخلي بنتج تحترم نفسها ولا تظلم بنتي تخييييللللوااااااا .... :44: :44: وانا ما قلت شي ..

والحين امي مع خالتي ما يكلمون بعض تقريبا صارلهم سنه .. والسنه هذي انا تخرجت من الثنويه خالتي ما دقت علي ولا تباركلي ..

تخيلوا .. حتى جيرانا اللي مانعرفهم حييل دقوا وباركوا .. وحتى رفيجات امي كل وحده دقت على امي تباركلها واهي ما دقت .. وكل شوي خالتي ترووح تتشكى عند جدتي تقول ان بنتج ماتبي تكلمني كله تصدد عني مع اني انا بكلمها و ابي ارد العلاقات ...


دام انج تبين تكلمينها وتبين تردين العلاقات دقي وباركي عشان تلين القلووب هذييج لا مادقت ولا شي .. مع انه تدري اني تخرجت وهذي اخر سنه لي بالثنويه ..

انا الحين شسوي ؟؟ كل ما اشوفهم بجمعه عند جدتي يقعدون يخزووني و نظراتهم الله لا يوريكم

وانا احب دايما اغير مني شكلي واستايلي احب اقص شعري بين فترة وفترة واصبغه واغير تلفووني من بين فترة وفترة واهما مالهم غير سيرتي حش فيني ونظراتهم الله لا يوريكم الله يكافينا شرهم ..


والحين انا ما اكلم بنت خالتي ولا اهي تكلمني وبنت خالتي الثانيه مالها شغل بالموضوع اللي عمرها 15 وقالت حق امها يا يما ترى بنتج اللي مطلعه الكلام على بنت خالتي راحت زفتها وطقتها قالت حتى لو السالفه صج المفرووض تسكتين وما تتكلمين عن اختج جذي .. هذي اختج منو اولى بنت خالتج ولا اختج ؟؟


تخييييييييييييييييلوااااااااااااااااااااا :44: :44:




انا مظلووووووووووووووووووووووووووووووووووووووووووووووووووووووووووووووووووووووووووووووووومه :44:



ادعولي .. ابي رايكم ردوا علي ولا تبخلوون علي ناطرتكم