انا معلقه لامتزوجه ولامتطلقه ....يارب تفرجها

حبيت اطلع كل الي بقلبي واسال الله ان يشيل حبه من قلبي
لاني صبرت واحتويته وغفرت له لكن اعطيت كل هالاشياء لشخص ماقدر المغفره والحب والتسامح
ولاكنت مقصره معه كلام حب ولدع ومااناديه الاحبيبي وقلبي نادر اناديه باسمه
وطلباته اوامر وبشهادته هو مره قالها انتي ماقصرتي معي

لي سنين متزوجه وعندي ولد
باختصار الموضوع لما كنت لسا طالعه من النفاس سافر بي زوجي هدية نفاسي برا السعوديه وفعلا احلى هديه ولايمكن انساها دخل علي سكران يترنح صدمه عجزت افوق منها لليوم
الرجل العاقل الي الكل يحسب له حساب الحكيم الفهيم الي له كلمه على الكبير قبل الصغير يسوي كذا
احتويت الموضوع وتناقشت معه وقلت ابوقف معه دام الشراب بس برا السعوديه وان شاء الله يتركه
بعدها بكم سنه بدى بالخيانات وارقام بنات من دوله معروفه بالفساد ومكالمات مع بنات سعوديات وصور مرسوله له وبي بي ومكالمات وغزل
وكلام اشحذه يقوله لي يقول انا مااعرف للكلام وبياعين الكلام انا اعرف احبك بالافعال وبالاخير طلع حريف كلام حب وعزل وعشق
وكان بوقتها يعاملني معامله سيئه وولايبي يجلس معي ولايسولف

الرجل لما يخون يكون احسن مايكون مع زوجته باللطف والحب والكلام يخبي جريمته وزوجي العكس كان يتعامل معي معامله سيئه تحقير وتطفيش واساليب توجع القلب
واجهته وحلف ماراح يعيدها ومشيت الموضوع عشان ابي بيتي
ومن فتره اكتشفت له علاقه مع وحده من بلد عربي قام يطلع الف تبرير وتبرير وووووو ومشيت الموضوع

لكن بدى يرجع لنفس المعامله السيئه والتطفيش والتحقير شكيت وقلب المراه دليلها ولماتفحت جواله لقيته يراسل خطابه يبي يتزوج مسيار ولما قلت له ودني لاهلي قال بكل بساطه من حقي اخذ ثانيه انا مارديت الا بكلمه وحده من حقك تاخذ الثانيه اذا عطيت الاولى حقوقها قال والله بادبك ووالله بادبك وطلعت لبيت اهلي
وعلى طلعتي لليوم لاكلم ولاسال ولااصلح

هذي المشكله الاساسيه الي وصلتني لنهايتي
طبعا ماسردت مشاكلي مع اهله وتسلطهم علي وربي عالم اني حشمتهم ولاعمري رديت عليهم
وحرماني النفسي والعاطفي وتشتتي

ادري مافيه حلول
والامر كله بيد الله
لكن ماانكر بالرغم من كل سواياه مازلت احبه بس خلاص ذلني وصبرت عليه
ودي يرجع ويعتذر لكن وش يضمني ماراح يرجع لهالرذيله
الي يدخل مستنقع الحريم مايطلع منه

ابي بس دعوه من قلبكم مو لازم تكتبون
ان ينصرني ربي عليه
وان كان فيه خير يرده ربي لي ذليل ويعتذر او اتطلق وارتاح

تعبت يابنااااااااااااااات احس راسي بينفجر
حسبي الله ونعم الوكيل
لعبو ببنات الناس وكانهم عرايس بيديهم
حسبي الله ونعم الوكيل
مايدرون ان الدنيا دواره ويردها ربي في انفسهم او من يحبون