راح اذكر لك المعلومات الي اعرفها
انت تبين ابتعاث من مقر عملك من وزارة التربيه و التعليم
ماودي اسدها بوجهك لكن اقول لك تراه صعب جدا و الدعوه واسطه
من شروطهم
مدة الخدمه ماتقل عن سنتين
العمر مايزيد عن 45
التقدير الدراسي في اخر مؤهل مايقل عن جيد
تقييم الاداء الوظيفي اخر سنتين مو اقل من جيد جدا
استغناء عملك عنك.. يعني المديره
فيه مقابله شخصيه و اختبار تحريري من الوزاره ويشترطون فيه درجه
درجة توفل او ايلتس محدده
ايضا هم يطرحون تخصصات محدده و مقاعد محدده و فقط تختارين من التخصصات الي يطرحونها
و ايضا فيه نقاط و مفاضله وخرابيط
وفيه فتره محدده للتقديم و الظاهر انه انتهى للسنه القادمه
وفيه شروط غيره
هنا التعميم لخطة الايفاد الشروط و التخصصات
http://www.sabiaedu.gov.sa/etsabya/wp-content/uploads/2014/05/تعميم-الابتعاث1435.pdf


لو متوفره جميع الشروط تقدرين تقدمين عليه




فيه خيار ثاني لك
بما ان زوجك مسافر و انت طالعه معه طالعه فبدل ماتاخذين اجازة مرافق خذي اجازه دراسيه
ابحثي عن شروط الاجازه الدراسيه ايضا للمعلمات بالوزاره
الاجازه الدراسيه اسهل لانها بدون راتب و الوزاره ماتصرف عليك بدراستك
لكن حتى هذي لها شروطها بعد
مدة الخدمه
موافقة مديرتك
تقييم الاداء الوظيفي لاخر سنتين او ثلاث سنوات
تخصص يفيد عملك
وغيره بس اسهل بالشروط
لو بتحثين شوي بالنت عن شروط الاجازة الدراسيه للمعلمين راح تحصلينها


عموما للاستزاده و الاستفسار عن الموضوعين كلها نصيييييحه
توجهي لادارة التدريب التربوي في مخرج 14 خلف مركز بشرى
ولا تروحين لمكان غيره هم المسؤولين عن هذا الموضوع للمعلمات






ارجع و اقول لك اذا ما حصل لك الايفاد و انت ناويه تدرسين اذا رحتي مع زوجك فخذي اجازه دراسيه لا تاخذين مرافق
لان وزارة التعليم العالي ما تقبل دراسة المرافق الا في حال كانت اجازته دراسيه و النظام هذا طبق قريب
بتقولين وش دخل وزارة التعليم العالي
بما ان زوجك مبتعث من وزارة التعليم العالي فالمرافق له يدرس على حسابهم لكن اذا كان المرافق موظف فشرط تكون اجازته دراسيه


اما اذا كان زوجك مبتعث من عمله فاذا كانت اجازتك دراسيه تقدرين بعد كم شهر تطلبين الحاق بالبعثه من وزارة التعليم العالي و تصيرين مبتعثه عن طريقهم ويتكفلون بمصاريف دراستك ويعطونك مكافأة المبتعث ايضا
يعني تكونين مبعثه رسمي






اتمنى اكون افدتك و دعواتك لي بالتوفيق و تيسير الامور
اذا بغيتي تستفسرين عالخاص لان ما اتوقع ارجع للموضوع

جزاكم لله خير :)

تقدرين تطلعين معه اجازه مرافق

بس بخصوص الدراسه طلع قرار مؤخرا ان الموظف المرافق مايدرس الا بموافقة جهته

ومره قد شفت واحد قالي انه موظف وسأال وقالوا له تقدر تدرس اهم شي مو عسكري فمدري صراحه وش النظام

لاني حتى موظفه ومرافقه وودي ادرس بس خوازيق شكلها

عفوا تعليق للاخت اللي فوق انا زوجي موظف مرافق وحصل اجازة مرافق وجالس يدرس لغة وكثير هنا بدأوا ماستر وهم على اجازة مرافق ماقالوا لهم جيبوا اجازة دراسية ابدا..