انا معي حق بالزعل ولا لا

السلام عليكم كيفكم خواتي 

سالفتي انو انا نفاس لي 12 يوم ولادتي بعمليه الحمدلله ع كل حال 

طبعا نفاسي عند اهلي وهاذا 2 طفل لي 

اممممم مدري كيف اعبر صراحه بس اني مقهوره من زوجي 
تخيلو لي 12 يوم نفاس ماقدشفته الا مرتين مره زارني بالمستشفئ بعد ولادتي والمره الثانيه جا عشان يسوي لي خروج من المستشفئ ووداني لاهلي بسسسسسس

ارسله ع الواتس اب وحشتنا ومن هالكلام احاول اسحب منه كلام زين كلام يهدي نفسيتي يقرا ويسحب عليه مايرد او يرد بروس اقلام مو قد الكلام اللي انا كاتبته له 
اتصل عليه كله مشغول ومو فاضي لي وعذره يذاكر اختباراته قربت للجامعه 

لي اسبوع عند اهلي مافكر يدق كيلو واحد ويجيني صرت انحرج من اهلي ليش مايزورني 
وبالمستشفئ ماكلف ع نفسه يشتري علبة مويه او ورده وحده ويجيبها 
متكل علئ اهلي يجيبون لي كل شي 
للعلم المسافه بين بيتي وبيت اهلي 40 كيلو من الدمام للخبر ماتجي كان وانا ازورهم بسالفه نسولفها الا ووصلت عندهم 


مادري وش هالبرود فيه احس اني انا راميه نفسي عليه

وش نصيحتكم لي ابعد عنه واصير ثقيله لاارسل ولا اتكلم اسوي نفس سواياه يمكن يحس? ??!!!