الســـــلام عليكم ورحمة الله وبركــــاته
قبل كل شي اللي ما تحب تقرأ لا تكمل الموضوع فيها تطلع
ترا كلامي كثير واحب التفاصيل اكثر من العناوين
فيه ناس تنغث من هالشي بس انا غير هذا مودي وهذا مزاجي
واللي ما شيه على مبدء أمة إقراء تصلح لها قهوة تركيه واقولها
كيف الحال حبايبي عالم حواء
اليوم عن جد انا مع صديقي ساهر قلبا وقالبااا وداعامه من جيوب المخالفين له
جميعنا نشيد بانظمة وقوانين اليابان وانظمة الامارات الحبيبه وانظمة امريكا
نسلط الضوء على ثقافتهم وعلى احترامهم للقوانين
نعتقد جميعنا بانهم خلقوو هكذا ونستغرب تخليهم عن هذه الصفات في بلادنا
مع أننا نردد دائما
يا غريب كن أديب
مالم تعرفيه بأن
جميع الدول السابقه وضعت الضوابط والعقاب الصارم لمن يخالف القوانين
بل تدفعهم اموال طائله تصل الى مرتب شهر كامل لمجرد رمي منديل في الشارع فأنت ملزم بدفع 1500 دولار (5625 ريال ) مع انك متاكد يوم رميت المنديل كنت ضامن الشارع فاضي ما تدري من وين طلع لك الشرطي :09:
يا حرام لو طبق هالنظام في السعوديه وهم يشوفون اكياس النفيات ترمى من السيارات وهي ماااشيه في نص الطريق وبين الماره باعتقادكم كم راح يدفعون او يمكن راح يطلعون مديونين للدوله صح ..
يا الله ليش زوايا شوارعهم نظيفه ... شوفو كيف بين كل مدينه ومدينه الطرق مافيها خيط مرمي مو عاد اطارات سيارات وزبايل وانتم بكرامه يعني كل هذا نظافه فيهم معقول ما عندهم ناس همج رغم انه اذا دخلتي بيوتهم قلتي اللهم يا كافي انا في بيت والا في مزبله ليش الدنيا نظيفه براا والبلا المتلتل داخل البيوت عرفتو ليه :22: وراهم 1500 دولار يدفعونها وفوق هذا مافيه ولا عامل نظافه اصلا ما قد شفت عامل نظافه في اكثر من 9 ولايات امريكيه ونحن والله اشفق عليهم في الطرق السريعه بين المدن في الصحراء يارب رحمتك كيف عايش ووين عايش وايش يشيل من الكم الهائل ... << بلاك ما دفعو 1500 دولار عشان يحسون بقيمة النظافه
اما نظام السرعه او بشكل عام الانظمه المروريه فهنا نقول القشه اللتي قسمت ظهر البعير
الكل يشتكي بان النظام حرامي وسرق مصروف البيت وقيمة حليب الرضيع يا الله العالم اصبحت تستدرج قلوب الناس بحليب الرضيع مع ان الرضاعه طبيعيه وان لم تستطع الرضاعه تستاجر مرضعه وليس حليب بقره
ليش كل هالهجوم في السعوديه وبأي وجه حق اخذو مني هالمبلغ وهذا حرام ولا يجوز مع انه ما سمعناهم يقولون حرام لما دبي دفعت صاحب المركبه 25 الف ريال علشان مخالفه بسيطه وهو كان داخل بالمصروف هذا يمشي عياله اجازة اسبوع سكت واحترم القوانين اصلا ماله وجهه يتكلم لانه غلطان ..
ليش كل هالهجوم على السعوديه عشانك مسرع ولاف من اقصى اليمين ليتك بتروح يسار لا بتعمل يوتيرن تخيلوو :angry2: معترض ثلاث مسارات عشان يلف حلال ابوه الشارع وقام يصيح ولا خلى كلمة عار الا وحطها في ساهر وفي هالنظام وبنفس الكلام المشين اللي قاله عن نظام ساهر قاله عن بنت بلده يوم رمت العلكه في سنغفورا علكه شايفين صغر حجمها علكه رمتها سعوديه اعطوها مخالفه عليها وانت يالسعودي ما خليت كلمه ما قلتها فشلتنااا كان جلست في بلدها اصرف ... ليه والا عشانها متعوده رب الاسره ما يتبع النظام عمره ما قالها عيب لا ترمي الاوساخ من السياره عند رجلك كيس ارمي فيه واول ما نوقف نرميه في اقرب سلة مهملات ..
يا الله يا فلان ياخي شوف ديارهم كيف شوارعهم مافيه ارصفه بالنص وكلن ماسك طريقه صح ما شفت احد تجاوز احد آخ بس لو السعوديين يفهمون حن ارصفه وفوق هذا يطمرون فوقها <<< طيب جاوب علي ليش حظرتك مديون للولايات المتحده الامريكيه ويوم جيت تطلع قالو معليش عندك مخالفات مروريه هذا وانت ملتزم النظام ومسوي فيها على بالي صاك 6000 الاف دولار غريبه ما اشتكيت وقلت اكلوني وسرقوني ونهبوني وانت ملتزم بالنظام
وفي بلدك تخالف الانظمه وتقطع الاشارات وتسرع لا والاشاره الصفراء بدل تمهل وهدي السرعه تصير تلحق او ما تلحق وبعد هذا كله تتهم نظام ساهر بالحرامي لانه اخذ منك 500 ريال مخالفه تراها 500 ريال مهي 25 الف ريال ولا 1500 دولار ولا حتى 6000 دولار ...
الحلو في الموضوع ان العالم كلهااا تقول ما علمونا بالانظمه ولا حطو لوائح ارشاديه و الطريق مليان لوائح ارشاديه بس حظرتك يا لاهي تسكت في العيال والا لاهي بردود الجوال وطلع ساهر في هاللحظه محتال
تصدقون يا حريم صرتو تصارخون مثل الرجال عن نظام ساهر مع اني اشوف انه مالكم دخل فيه الرجال اللي بيدفع من جيبه وانتي وش عليك مهو غلطه خليه يلتزم بالقوانين
بس اللي استغربه انها تدخل في المنتديات وانواع الفرفره والسبق الصحفي ونقل الروابط ولازم تطلع قدام زوجها الفاهمه العارفه وانها عارفه اخبار العالم كلهااا طيب ما فكرتي يا حلوه انك تاخذي رابط انظمة وقوانين ساهر ترسلينه لسي السيد على الايميل <<< يوه نوال دقه قديمه طيب سوووري على الوتس اب وتخليه يطلع على هالانظمه عشان ما يحرمك من الفستان اللي ادوختي راس هالادمي عشان يجيبه وفي وقت النقاشات قلتي حليب الرضيع تستعطفين فيه السامعين ... مافكرتي تقولين له في السياره فلان ترا السرعه كذا على الشارع هدي .. ابو فلان وراك مسرع تقل احد يركض وراك بعصى :22: <<< بس لا تشتكين بعد اللي يجيك ههههههه
تفضلي لا تزعلي ولا تعصبي ولا تقولي اصلا ماندري فيه شي يخص ساهر بالنت
http://www.saher.gov.sa/a_Roles-and-regulations.aspx
قوليله بدل هالخربطه في النت اجلس ساعه زمان اقراء الانظمه واعرف وش لك وش عليك بدل ما تجلس بعد كل رسالة جوال تصيح تقل عجيز شايلين غداها عنهااا وماد البوز شبرين وانواع الانتفاضه
++++++
بقولك شغله عشان ما تقولو مشيناا والاشاره صفراء وصكونا بمخالفه <<< وش سالفة صكوناا هههههههه
ترا النظام ما بعد اشتغل كله تبين تعرفين وش بيصير في خلال هالسنه والسنه الجايه ان شاء الله ساهر راح يكون رصده بشكل مختلف عن المتعارف الان الواحد يشوف ساهر يهدي بس يتجاوز يمشي هذا كان دغدغه للمشاعر
النظام الجديد راح يحطون لكم على راس كل شارع في كل حي ساهر وفي نهاية الشارع راح يكون فيه ساهر الاول راح يسجل بيانات المركبه والثاني راح يشوف الوقت اللي وصلت فيه المركبه لو كان متعدي الوقت اللي المفروض يكون قاطعه في السرعه القانونيه راح تسجل مخالفه يعني راحت عليكم ياللي تبلغون عن نقاط ساهر
تبين تعرفين نظام ساهر عشان تنبيه سي السيد بلغيه النظام واللي قبل لا ينوجد ساهر انك توقف دقيقتين قبل ما تاخذ اللفه وبعدين تلف حتى لو الشارع فاضي بلغيه ترا راح تنزل له مخالفه ...
تبين تعرفين كمان لو حبيت يا سعادة الرجل تلف من المسار الاوسط لجه اليسار راح تاخذ بكل بساطه مخالفه
وراح تزيد لو كنت بالمسار الايمن لفيت للايسر ولا وقفت في مسارك الصحيح وهو الايسر عارفه ليه يا اختي سي السيد راح ياخذ مخالفه لانه راح يعطل السير وهو طالع من بيته ما يدري على وجهه راح يتوجهه وجالس يفكر انا الف يمين والا يسااار ...
بلغي الرجل المتفاخر بالانظمه في دول الغرب المتجاهل في انظمة بلده بانه ما يقدر يدخل على خط الخدمه الا وهو ماسك المسار الايمين قبلها بمسافه طويله والا سجلت مخااالفه مو لازم يرابط في المسار الايسر ويسقط بين الناس قبل المخرج بـ 20متر
تبون اقولكم بعد عن القوانين والا المفروض رجالكم عارفينها لانها قونين من سنة جدي الدوله حاطتها بس بدل ما يتدخل فيها حب خشوم وهذا ولد قبيلتي وهذا ولد فلان وهذا علان من الناس وهذا سواق فلان خلاص لا تسجل مخالفه عليه <<<< يوه ايااام عنك يا رجل الشرطي يستغلون حتى نخوتك وشيمتك في تمرير المخالفات جاك اللي يشيل عنك الهم وخل يا ابن آخي يبلط البحر بحبة الخشوم ويلتزم بالقوانين
تبـــــــــون <<:angry2: خلالالالالالالالالالالالالالالالالالالاص ما نبي نقراء شي بعد هذا كله :09:
صديقي ســـاهر نـــوال معاك يدا بيد حتى نقضي على الفوضى ومخالفة القوانين :26:
صدقوني مالي نسبه من دخل ساهر
بس للشعب نسبه كبيره من ارواح الابرياء وليس حليب الرضيع
اعتذر ان لم يعجبك كلامي فرأيي دوما لا يعجب الا القله القليله قد لا تتجاوز اصابع اليد والواحده :)
ولكن مع اختلافكم معاي اقول لكم :26: لكل من حظر
نــــــــــوال الطـــــــويل
نــــــــــوال @noal_8
كبيرة محررات
يلزم عليك تسجيل الدخول أولًا لكتابة تعليق.
مشكوره
كلامك صح ميه بالميه بس النظام فيه عيوب لانه مجرد غرامات يعني مافي لافتات ولا في شوارع مرتبه اكثرها حفريات
لااله الا الله محمد رسول الله
كلامك صح ميه بالميه بس النظام فيه عيوب لانه مجرد غرامات يعني مافي لافتات ولا في شوارع مرتبه اكثرها حفريات
لااله الا الله محمد رسول الله
يارب يسلمكم ويسعدكم
+++
حياتي بك احلى
في كل شارع عليه ساهر فيه لوحه بالسرعه القانونيه ولو تفرين كل الطرق حتشوفينها صدقيني لا يغرك كلام الرجال اللي صارو ينافسون الشغالات في تبريراتهم الواهيه اول شي يصيح فيه قالك مافيه لوحه بالسرعه مع انه لو رجع ورااا شوي شاف اللوحه قدامه بس مع السرعه مهو قادر يشوف اصلا السيارات اللي يتعداها مو عاد لوح على الشارع هذي نقطه
مجموعه من اصحاب زوجي انواع المخالفات على شارع معين كلهم صاحوو مافيه لوحه ولا فيه سرعه قالهم زوجي الا فيه والسرعه 60 في ذاك الشارع نفوا الكلام وكل واحد فيهم ما تنزل سرعته عن 120 في ذاك الشارع لما اعطاهم الاحداثيات بالضبط عن موقع اللوحه طلعو اصلا ما حيشوفوها وهم بالسرعه والمخالفه الواضحه فلا ترددون كلام الرجال لانهم غلطانين 100%
النقطه الثانيه ساهر ماله دخل بسالفه الحفريات وترتيب الشوارع ولا اعطى مخالفه على حفره او على موقع شارع
فلا تدخلون الامور في بعض وبكره يصير ساهر مسمار جحا
+++
حياتي بك احلى
في كل شارع عليه ساهر فيه لوحه بالسرعه القانونيه ولو تفرين كل الطرق حتشوفينها صدقيني لا يغرك كلام الرجال اللي صارو ينافسون الشغالات في تبريراتهم الواهيه اول شي يصيح فيه قالك مافيه لوحه بالسرعه مع انه لو رجع ورااا شوي شاف اللوحه قدامه بس مع السرعه مهو قادر يشوف اصلا السيارات اللي يتعداها مو عاد لوح على الشارع هذي نقطه
مجموعه من اصحاب زوجي انواع المخالفات على شارع معين كلهم صاحوو مافيه لوحه ولا فيه سرعه قالهم زوجي الا فيه والسرعه 60 في ذاك الشارع نفوا الكلام وكل واحد فيهم ما تنزل سرعته عن 120 في ذاك الشارع لما اعطاهم الاحداثيات بالضبط عن موقع اللوحه طلعو اصلا ما حيشوفوها وهم بالسرعه والمخالفه الواضحه فلا ترددون كلام الرجال لانهم غلطانين 100%
النقطه الثانيه ساهر ماله دخل بسالفه الحفريات وترتيب الشوارع ولا اعطى مخالفه على حفره او على موقع شارع
فلا تدخلون الامور في بعض وبكره يصير ساهر مسمار جحا
الصفحة الأخيرة
اجل بركه اللي ما سمحوو السواقه والا كان الرجال اللي يطالبون بتشديد الانظمه هههههههههههههه