انا مقصرة جدا .. واحس شي غريب بداخلي .. خذوا بيدي

انا ام عندي طفل عمره سنتين ونص وحامل والحمدلله عايشين انا وزوجي بخير واستغرب ان ربي راحمني من المشاكل الزوجيه يعني زوجي يلبي اغلب طلباتي ومافيه زعل ومشاكل الحمدلله رغم ان المذنب اول مايرى عاقبة ذنوبه يراها في تجبر اهله
لكن الحمدلله
مشكلتي انربط لساني عن ذكر الله وقراءة القران واذا ذكرت الله وربي احس فمي ولساني كأن عليه صخرة كبيرة - الصلاة حدث ولا حرج كلها تفكير وسرحان لدرجة ماادري كم ركعه صليت
الناس بعد الصلاة ترتاح وتنبسط وانا اصلي واخلص وصدري ضايق وحرج لدرجة اني اتشتت واضيع امور بيتي كلها فاضطر اقضي وقتي جالسه عند التلفزيون انتظر بس اسوي الاكل لزوجي او انتظر الليل عشان اروح انام
احس باحساس غريب مرة ومرررر
احس ماني مرتاحة ابد حتى لو طلعنا لو تمشينا
اذا خرجنا طلعة ارجع البيت وانا مااحس اني ماطلعت
احس اني مخنوقه حتى مع العلاقة الخاصة مع زوجي مااحس بلذة
كل شي ماله طعم
لكن اذا خرجت من البيت اصير احسن من ناحية الذكر احس لساني ينطلق وودي اصلي الفرض والنافلة
فبديت احس ان بيتي هو السبب
بيتي شقة صغيرة جدا بالاصح شقق عزابية مافيها سطح او حوش او بلكونه على الاقل نتسلى فيها لا ابد
في عمارة موقعها مو حلو على شارع عام وورشات سيارة
غير التصميم القديم البايخ حتى اذا جو ناس يقولون يافلانه لاتزعلين ترانا نتضايق اذا جيناكم ودي انتوا تجونا وتتسلون عندنا وانا ماالومهم اقول الله ييسرها والله احنا اللي نتضايق لاننا 24 ساعة فيها انتو ع الاقل زيارة وتمشون
لاتقولون لي اش دخل البيت البيت اذا كانوا اهله مرتاحين فيه حياتهم مرتاحة ومبسوطين والبيت هو اساس المعيشه اذا مريح الانسان بيرتاح واذا العكس العكس
لكن ابغى منكم تدعوا لي لاني مهمومه من حالي ومن بيتي
وتساعدوني في ايجاد حلول بسيطة
يافارج الهم فرج عني وعن بنات المسلمين
وارزقني هدايتك الى السراط المستقيم