انا مقهورة عليها بالله تعالوا اقروا هالسالفة وقولوا رايكم

السلام عليكم
اول شي احب ابدأ بالدعاء لنفسي اولاً ثم لكم في هذا اليوم الفضيل
اللهم فرج كربتي وكرب جميع بنات المسلمين وآنس وحدتنا وزوجنا من صالحين آمين يارب

عندي سالفه وابي آخذ رايكم فيها لاني انا مره مقهورة وماودي هالشي يصير.. السالفه هي ان خالي- وهو متزوج وعنده يمكن 5 او 6 اطفال وعمره شي واربعين ساكن في قرية ووظيفته كويسه خطب بنت في الرياض عمرها 30 مخلصة الجامعه واشتغلت لمده 5 سنوات بعدين بطلت وجلست في البيت ويوم خطبها على طول وافقت بدون تردد بحجه ان عمرها 30 المهم انا يوم قالت لي امي السالفه قلت وليش توافق على واحد اكبر منها بكثير ومتزوج وعنده اطفال؟؟ ولا فيه اي شي زود !!قالت علشان عمرها 30 وماقيد تزوجت :mad::mad: انا هنا طرطعت قلت ليش يعني علشانها وصلت الثلاثين تتزوج اي احد؟!! -علماً بأن عمري انا 30 بعد:icon33:- وبنفس الوقت انقهرت على نفسي وحسيت اني قطعت الامل في اني آخذ واحد مب متزوج:44:

انا حاسه ان هالبنت رمت نفسها عليه والله اني جلست ادعي انها تغير رايها لاني متأكده انه بيظلمها معاه وخصوصا انه طول حياته عايش في القريه وهي في الرياض وفارق السن وغير كيذا راح يسكنها في نفس عمارة زوجته الاوله

الحين انتوا وش رايكم لو انحطيتوا بنفس هالموقف بتوافقون والا لا؟