انا مكتومه ساعدوني

السلام عليكم ..شلونكم

بنات انا مدري شلون ابدا احسي مكتومه متضايقه امس تهاوشت مع امي ولاطلعت من غرفتي

وامي تهوشن وتسبن وتقولي الله يقلعك بعدين قالت الله يقلعن انا اللي حملت بك

بنات قسم بالله ماسويت شئ انا بس حنا كنا مسافرين ورجعت ونمت ساعتين بعدين نزلت لهم وقالت لي كل ذا نوم

قلت يمه قولي مشاءالله نومة العافيه مب كل ذا نوم (يمكن قلتها بنتره شوي لاني توي قايمه)

وتبدا تهوش تهوش الى الليل

بنات انا نفسيتي تعبانه باقي شهر على زواجي ان شاءالله وفتره اختبارات يعني احس هموم الدنيا فوق راسي

ليش امي ماتفهم الوضع بس تهاوشن كل ماتشوفن تهوشن او تنتقدن

اهلي بيسافرون يمكن برا بالعطله وزوجي ماحجز لنا شهر عسل يقول مامعي فلوس انا انهرررررررررررت

هو صح ماقصر اثث الشقه باغلى واحلا الاثاث مشاءالله بس انا عندي شهر العسل مهم

مب متخيله اعرس واقعد بالرياض بنات وش اسوي كل مافتح المووضوع معه باين يضيق صدره يقول من وين فلوس وانا اخذ قرض للزواج والسياره اقساط وراتبه اللي يصفى لنا اقل من3 الاف

وانا صراحه ببيت اهلي مدلعه كل شئ يجاب لي حتى لو هو غالي عشان كذا احس اني متضايقه مدري شلون بنعيش

قولولي وش اسوي شلون اتصرف واسوني انا استغفر كثير يمكن 1000مره باليوم واحيانا اصلي الليل


الحمدلله انا مرتاحه مع زوجي يحبني واحبه بس فيني ضيقه فيني كتمه هذا اسمه هم العرس او وشو

اذا هو هم العرس ليش امي ماتفهم قدري وتقعد معي قعده مصارحه مب هواش تعبت تعبت تعببببببببببببت