انا مليت ابي اولد وماادري انا بأي اسبوع ...ساعدوني

السلام عليكم
اخباركم بنات
انا بصراحه حالي مايسر لا صديق ولا عدوي
ابي اقولكم قصتي مع هذا الحمل تكفوني اسمعوني وافهموني لانو مافي احد فاهمني
اولا اخر دوره جتني ماادري متى هذي اول مشكله انا اعاني منها اكيد بتقولون كيف ماتدرين
متى اخر دوره اش هذا الغباء بقولكم لانو جتني حالة نزيف في شهر ثمانيه وتسعه واثنا شهر رمضان(9) تعبت ورحت المستشفى وقالوا اني حامل اوكيه مع اني افطرت في رمضان خمس ايام بسبب النزيف لاني كنت اعتقد انه دوره مش نزيف وعلى هذا الاساس ماادري متى بدأ حملي بضبط هل من شهر ثمانيه او من شهر تسعه لاني شاكه في الدوره اللي جتني في ثمانيه واحس انها نزيف المهم انا قلت للطبيبه اني اعتقد ان اخر دوره كانت في شهر سبعه طبعا بالهجري وكانت في اوله يعني تقريبا 9او 10 سبعه مش متأكده وعلى هذا الاساس حسبت الدكتوره الحمل وقالت اني في 23من شهر اربعه (جمادى الثاني ) راح اكون بأذن الله والد وأكدت هذا التاريخ بعمل سونار اللي كان يقول انو في 6/12/2003 كان عمر الجنين 12 اسبوع
طبعا انا خلاص مشيت على هذا الحساب طبعا حساب الدكتوره اللي في المستشفى الخاص
وبعد تقريبا ثمان شهور من الحمل كنت اراجع في المركز الصحي اللي بحينا وكانت الدكتوره شاكه في حملي لان بطني ماكبر وقالت لازم نحولك على مستشفى الولاده ونعملك سونار ونتأكد من صحة الجنين وانتي بأي اسبوع ؟والله ورحت الولاده وانصدمت لما قالوا للي اني في اخر السادس وان الجنين ضعيف وبعد اجراء تحاليل قالوا عندي نقص في الهيموكلوبين برغم من الزياده الفضيعه في وزني بصراحه انصدمت وجتني حاله نفسيه والاام في القلب واحباط شديد وصرت اخذ فيتامينات و3حبات حديد في اليوم وحبة الفوليك وحبة كالسيوم وحليب الحوامل ومن هذاك الوقت وانا خايفه على الجنين انو يكون ضعيف وخايفه من زيادة وزني الفضيعه بعد ماكنت63 في بداية حملي الحين صرت 90 تخيلوا
:44:
نفسيتي دمار صرت دبا واسودت بشرتي وشكلي لا يطاق والحمدالله على كل حال
ادري طولت عليكم بس والله هذا من قهري وضيق صدري
لاني قاعده احسب متى اولد وارتاح وارجع زي زمان والله كرهت نفسي وماعاد ودي احد يشوفني
والحين جا موعد ولادتي ولا ولد وتعديت الموعد بأسبوع ماادري كم باقي لي حتى اولد وهل كلام مستشفى الولاده هو الصح ماأدري
ابي اطلب منكم طلب ومساعده ابيكم تحسبون معي اذا كان في تاريخ 6/12/2003 كان عمر الجنين هو 12 اسبوع الحين كم تتوقعون عمره بألاسبوع تكفون ساعدوني ولا تطنشون
انتظر ردودكم
الله يعافيكم ردوا علي
:44: