انا مليت قربت انجن ياناس والحل مع الاخوات الرفلات

انا عمري 24 سنه


بدخل بالموضوعع تعبت لدرجة ماتتوقعوها عايشه مع اهلي وعندي اختين اكبر مني ووحده اصغر مني يعني 4 بنات بالبيت وبيتنا دور ارضي تعبت من اخواتي رفلات مايحركن شيء بس نوم وعلى الجوال واذا ناقشتي وحده باسلوب حلو يلا نضفي قسمك انا خلصت قسمي تاخذ الموضوع مو بجديه واثناء ماتتكلمي معها تكون مشغوله بشيء ثاني يعني سافهتك وحده ولا ثنتين كلهم الثلاث ويوم اعصب قوموا نطفوا قسمكم يعصبوا ويطفو النور وينامو انا قربت استخف احس ضغطي اتش ابوي بحكم دوامه دايم مسافر ويجي يوم ويمشي وامي يوم ترتب الاواني حي الله تغسلها من دون فيري ولا كلوركس ولا شيء تغسلها بمويا بس تخيلو واحيان يكون فيها دسم وش اسوي بالله البيت مقسمينه اربع اقسام انا اول من ينجز شغلي واخلصه وهن لا يجلس يومين الين يجي دوري اقسامهم وانظفها تعبت من الكلام حاسه لي يوم بنهار محد يساعد بشيء وعادي ان الضيوف يجون او الجيران والبيت حايس عادي ..... بشهر 10 رحت سافرت لموعد عمليه وجلست اسبوعين عند اخوي بمنطقه ثانيه ورجعت البيت اقسم بالله ان اخر تنظيف تنظيفي دورة المياة ماتقدري تدخليها من الوصاخه والمطبخ والبيت كله وهن اهم شيء كشختهن وغرفتهن تكون نظيفه بس .. امي تبلدت ماتتكلم عليهم الوضع الى متى كذا بتقولوا شغاله مانقدر نقدم للظروف الماديه
وانا افكر لو اتزوج كيف بيكون حال بيت اهلي ؟؟
انا الحين اضبط الوضع بس بعدين كيف بيصير شكل البيت ؟؟؟ اليوم دقيت على ابوي اصيح اقوله استقدم شغاله انا تعبت واخواتي مايشتغلوا قال والله ماقدم بشغاله والبيت فيه اربع بنات شابات