انا مملة مع الناس تعبت ساعدوني

السلام عليكم
انا حابه افضفض من جد مالنا الا هالمنتدى نفضفض فيه على الاقل نرتاح 

اول شي انا وحيدة ماعندي اخوات ومتعلقه في امي كثير وماكنت احتك بالناس كثير وهو سبب لي مشاكل في العلاقات الاجتماعيه في المدرسه وماكان عندي صديقات وخلاص كبرت على هالشي وصرت قليلة سوالف

  تزوجت الحمدلله وصار عندي بنت وكنت متعلقه بزوجي لاني احس معه بالامان والحنان وكنت ساكنه بمنطقة اهلي وبعد سنتين نقلنا لمنطقة اهل زوجي وقرايبنا كلهم فيه احس فقدت اهلي وخصوصا امي بقووووووه وصرت متعلقه بزوجي لان مالي الا هو 
بتقولون وين المشكله ""

والله صار لي 4 شهور من نقلت وانا تعبانه نفسيا تعبت من الناس والاختلاط معهم ماسولف كلامي قليل بس اضحك او تعليقات يعني سالفه طويله او موقف هذي مستحيييييل اقولها بتقولون حاولي والله حاولت وحاولت لين خلاص تعبت صرت ممله جدااااا ومحد يهتم لجلستي
  ازور اهل امي وخالاتي واهل زوجي احبهم بس مشكلتي بالسوالف الى متى انا كذا كلمة ورد غطاها او اتكلم بشي بسيييط ارجع البيت انفجرررر لاني اكبت السوالف بقلبي  ادق على امي واسولف معها وارتاح شوي 

ونششششبت لزوجي مرا ابيه يقعد معي ومايخليني لاكن للاسف مايقعد معي ابد بس مع اصحابه ونوم ودوام حتى على الغدا والعشاء نادر نجتمع بالله هذي حياة زوجية 
وصرت افتقده كثير واركض وراه ماقدرت اطنشه لان مالي غيره
وعندي جيران وناويه اتعرف عليهم قريب يس راح يطفشون من سكوتي ولاني ممله الناس يبون الي يسولف ويوسع الصدر مو الساكت
لحد يقول الصمت حلو وومدري ايش والله انها صفة منبوذة بالمجتمع وش الفايده من القعده مع احد مايسولف ومايحس بالشي هذا الا الي جربه
دخلت مع بنات وجمعات ونفسس الشي اضحك واعلق فقط بس سوالف ابدن مافيه ماقد احد سمع صوووتي زين او يلعلع
وش هذا رهاب اجتماعي او خجل او ايش بالضبط ؟؟؟

اسال الله لكل من ترد علي الله يوفقها ويسعدها بالدنيا والاخره وييسر لها امورها ويرزقها من حيث لاتحتسب ويرزقها الفردوس الاعلى من الجنة