&&انا مملكه وعندي مشكله واتمنى تفيدوني يالمتزوجات..&&

انا دخلت بأسم اختي وارجوا منكم المساعده وانا ماجيت وتعنيت وكتبت مشكلتي لكم الا وانا طمعانه بكرمكم ونصايحكم الي دايما الاحظ ان اكثرها في محلها بحكم خبرة اكثركم في الحياه الزوجيه ..


وانا اختكم واتمنى ماتتركوني وتنصحوني بالي تشوفونه مناسب..لاني ماعندي احد ينصحني ..

مشكلتي باختصار انا ولله الحمد والمنه مملكه وزواجي بعد 4 اشهر وزوجي مرررره طيب وهذا بشهادة الجميع وبشهادتي انا كمان ..
لكن هو فيه برود مو طبيعي ومايكلمني الا كل اسبوع ونص او احيانا اكثر من اسبوعين وماتتعدى مكالمته نص ساعه وانا في ذي النص ساعه اكون ماني قادره اتكلم معه من كثر ماني معصبه منه واخاف اذا تكلمت اغلط عليه وتروح علي ولا كأني كلمته ولا استفدت شي وانا ماانكر برودي كمان بس والله ماقدر اكون انا الجريئه وهو الخجول واكيد انتوا فاهمين قصدي ..
ومع هذا كم مره اعاتبه واحسه فعلا متأثر ومو قاصد انه يزعلني ويحاول يرضيني باي طريقه لدرجة مره كان بيبكي عشان سمعني ابكي وانا اشتكيله..

وانا ليه سنه وعليها مملكه وماقد كلمني في تفاصيل حياتنا المستقبليه وحتى اشياء تخصني اعرفها من الناس والله هذا شي يقهر وكل ماقوله ماقد اخذت عليك او عرفت شخصيتك يقولي انا ماقدر اخذ راحتي في التلفون وانه ياخذ راحته في الجلسات اكثر وهو ماقد جاني الا سته مرات من سنه واكثر.. وانا مانكر انه جرئ نوعا ما في الجلسات لكن انا عكسه تماااما ومررره اخجل وانا معه وماقدر افتح أي موضوع..

واذا كان فيه اختلاف في الرائ بيني وبينه في أي موضوع يحاول يقفله بسرعه قبل ماينحل الموضوع بس عشان ماازعل وانا اموووووووت بقهري لاني كل مافتحت معه موضوع مهم قفله لهذا السبب ..
ولحد وقتكم ماني عارفه كيف اتعامل معه لابالحنيه جاء ولا بالقساوه والتطنيش <<<مع اني والله ماني قاسيه معه لكن اسوي احيانا حركات عشان الفت انتباهه لي..وبنتبهلي مكالمه اوثنتين ويرجع مثل ماكان..

وغير كذا كل ماوعدني انه يكلمني في يوم معين يكلمني بعده بيوم او يومين ويتعذر باي شي..

وانا في انتظار ردودكم وحلولكم بفارغ الصبر..