عزيزتي ..عبير اللوتس ..
كلنا اخوات صحيح احنا مانعرف اشكال بعض ولا اسماء بعض لكن احس ان كل عضوات المنتدى خواتي ... الله يهون عليكي وزي ماقالت اختي دفى شمس صلي واطلبي من ربك انه يهون عليكي .. مالنا غير رب العالمين نشكيله ..
احنا في انتظارك ...

هل كلمة احبك عيب ...هل كلمة شكرا الله يعطيكي العافيه عيب ... تصدقون انة من تزوجت ما قالي احبك الامرة وحدة وانا عروسة ولا سمعتها من ثلاث سنوات لما اتعب في طبخ لضيوفة ماسمعت شكرا اللة يعطيكي العافية ماقصرتي ...... وانا اكون تعبانة ومسويه لضيوفة اللي يبيض وجهه اقولة كيف الاكل يقولي كويس وبعدين يبداء ينتقد في شغلي يعني مااسوي شيء لة او في البيت ويعجبه على العكس القى الانتقاد الفوري :icon33: ما عمرة مدح شكلي مع اني وللة الحمد والمنه الكل يشهد لي بجمالي وشياكتي وما مدح نفسي اتزين لة في البيت على طول ما سمع كلمة حلوة يعني كاني اتزين لجدار مو ادمي ......اجيب اغراض للبيت من تحف وابجورات من مصروفي مع العلم المفروض هو اللي يشتري من فلوسة اغراض البيت بس اقول ابغى افاجئة انتظر تعليق عليها مافي تعليق ... ابداء انا اسئله اي شرايك حلوة يقولي كويسة .....بس مالها داعي ....الجوال محرم عليا بدون سبب .. الهدايا ماعرفها :( المراكز التجارية ما ندخلها يقولي محلات فيها مسخرة ما دخل ...مايحسسني بحنانه ولا يحسسني باهتمامه لما نجلس مع بعض ما يكلمني وان كلمني ينتقدني ليش حاطة التحفة هذي هنا ابعديها لا تنكسر على البنت ولا يسولف لي عن الاسهم وعن اهتمامات خاصة فية ولو بدات اتكلم ما يعطيني اهتمام او ما يعلق على الموضوع او يرسلني في حاجة للبنت مع اني انا اكون في نص سالفتي يعني ما عندة اداب الاستماع مع زوجتة فقط مع الغير منصت ومستمع جيد يحسسني اني غبية وكذا مرة قالها في وجهي مع انة هو الوحيد اللي نسب لي ها لصفة ما سمعتها من غيرة مشهودلي العكس تما ما كم مرة قالي انتي فاشلة ....... هذا غير التهميش اللي عند اهلة والله ماشوفة الاعند النوم فقط حتى يفكرونا متخاصمين على طول .... دائما يمدح في اخواته انهم عصاميات وانهم ذكيات ويهتم لهم اكثر مني لما اكون جالسة معاه ومع اخواته يمكن يكلم الشغالة وما يكلمني يعني مهمشهة مالي وجود بينهم .....لما اسئلة سوال ويرد باجابة هو عارف انها تقهرني ويشوف الزعل عليا واقوم من عنده زعلانه العادة الزوج يدور زوجتة اذا زعلت وهو متاكد انة زعلها زوجي مايسال.. حتى لو صادف الزعلة في وقت وجبه وما اكلت معاة والله ولا يسال يعبي الكرش ويقوم والله العظيم عمرة ما راضاني في زعلة زعلني فيها .........ولا يهتم ..........صرت ما اعرف اتكلم معاة ولا عرف اسولف ولا اعرف امزح كاني طفلة دوبها تتعلم الكلام انا معاة فاقدة الشخصية تماما والله العظيم ...ماني كذا قبل ما اتزوجه اذاا بعد عنة فترة وجلست مع اهلي اخواني واخواتي ترجع عبير الاولية في شخصيتها ومرحها لكن معاة محطمني تماما ماحي شخصيتي ومرحي احس اني مملة اذا جلست معاه لاني لو تكلمت يا اما يقاطعني يا اما يغلطني في راي ودا ئما يقولي انتي مسكينة لو ماعجبة كلامي ..........البارح نظفت غرفة النوم من الى .............ونقلت مكان السرير وسويت تغيرات حلوة فظيعة في الغرفة وسويت اضاءت جنان وطبعا ما قدرت انام من ظهري لاني كنت اسحب السرير وحدي ولما شافها والله ما نطق بكلمه ......اليوم الظهر سالته ايش رايك في التغيير قالي ضيقتي المكان مع انه المكان توسع ....... قلت طيب لو ماعجبك قول لي تسلمي اكيد انك تعبتي في سحب السرير لكن على طول تنتقد وكانه ماعجبة الكلام ....................قلت لة اصلا انا ما عمري سويت شيء وعجبك فالح تنتقد قالي فعلا مايعجبني شيء تسوينة ......وكانت هذي الكلمة بمثابة القشة التي قصمت ظهر البعير معليش طولت بس هذي كانت تراكمات ثلاث سنين .......والله يا اخواتي انة اهلي ما يدرون بمعانتي لاني ما احب انة زوجي يكون مكروة امام اهلي وابغى اكون عادية جدا امامهم لكن طفح الكيل ولازم افضفض وما لقيت الا انتو بعد اللة يسمعني والان احس اني ارتحت وفية مين يسمع معاناتي بتقولون مايسوى الانهيار اللي انتي فية والزعل وانة احداث عادية تمر فيها كل وحدة بس ابدا مو حلو انك تعيشين حياتك الزوجية انتي الزوجة مهمشه وما لك راي في شيء وكلامك زي كلام الاطفال وشخصية ممحيه وانك فاشلة ..........وسلامتكم

اللهم فرج هم اختي الغاليه عبير واسعدها وسخر زوجها لها يارب العالمين
اللهم فرج هم اختي الغاليه عبير واسعدها وسخر زوجها لها يارب العالمين
اللهم فرج هم اختي الغاليه عبير واسعدها وسخر زوجها لها يارب العالمين

من جد حزنت وتأثرت جدا لمعاناتك ودمعت عيني ياربي كيف يكون فيه احد بهلقلب القاسي .. الله يوفقك يارب ويسعدك ويسخر لك زوجك

الله يعينك ياعمري قسم بالله انى اكتب لك والعبره خانقتنى 00حاسه بكل كلمه قلتيها00
طيب وش رده اذا قلتى له ليش مايعجبك اى شى منى 00مو معقوله زوجك هذا اكيد فيه سبب من تصرفاته000سالتيه بجد انت تحبنى وش قدري عندك قوليله بكل صراحه وش انا بالنسبه لك لازم يجاوبك على هالسوال 000 الله يعينك ويصبرك ويهدي لك زوجك ويجعلك قره عينه00ماادري وش اقوالك مالك الا الدعاء عسى الله يصلح حاله000