انا مع اللي يقول انك تسأليه وش فيه ؟ليه مايعجبه منك شي ؟ليه ماتعجبه تصرفاتك؟ وش السبب؟ وش اللي يرضيه؟ وانتي مقصره معه بشي ولالا؟ وش المشاعر اللي يكنها لك ؟لانك زي ماتقولي هذي تراكمات 3 سنوات لو انك قايله انه متغير له فتره بسيطه يمكن اقول تقصير بدا منك او اهمال او ملل..
لكن الموضوع هذا من بدايه زواجكم !!اجل اكيد هو فيه شي او انتي فيكي شي ؟؟
انتي اسأليه..
انا مو قصدي افرق بينكم لكن اذا هالحال من بدايه الزواج الرجال اجل فيه شي!!!

وانا مو مع اللي تقول اكتبي له رساله هذي رساله عتاب بسيطه غرقانه كلمات حب وبصراحه هالنوع مايستاهل ابدا الحب ..

هالرساله تبين انك محتاجه له مره وميته فيه في الوقت اللي هو مستغني عنك وزاهدك
لو انا ملاحظه انو هو راضي عليكي لو بمقدار ملعقه كان قلتلك ممكن ترسلينها
لكن هو جاف مره معك ..
وانا مو مع اللي يقول طبع الرجال صحراوي يابنات الحلال تقولكم انو مع خواته يازينه وش معنى معها هي ؟؟

وقبل ماانهي كلامي اقسمك لك باللي خلقني انا مو قصدي اكبر اللي براسك او اهدم بيتك لكن هذي تصرفات زوجك هي اللي خلتني اكتب هالكلام وبطلو ياناس خضوع لرجالكم

الله يعطيكم العافيه ما قصرتو من البارح وان زعلانة ما اكلمة وطلع من البيت وجاب العاب لبنتي وجايب هدايا لي الظاهر انة حس بكلمتة ومع ذلك ما اعتذر حاول يتكلم على طول على انة عادي ما صار شيء بالنسبة ليا جرحتني كلمتة وسبحان اللة يسألني كيف الهدايا عجبتني واللة يا بنات اني ما قدر ت اتكلم والا اقول حتى شكرا قلت في نفسي مثل مانت ماتشكرني على شي انا الكلمة مي راضية تطلع من فمي واللة غصب عني يعني حسيت بندم اني ما قلت لة شكرا لانة مو طبعي ولاني رحمتة واتمنى انة يحبني مثل ما انا اموت علية بس فية حواجز فظيعة بينا مادري متى بتزول

عبووووره يا دلوووعه والله الرجال يحبك ويموت فيك .. شوفي هو حس بغلطته وحب يراضيك وجاب لك هديه وللبنوته هديه ... ترى نااادر الرجال يسوي مثل كذا يا عمري

ولا تنتظرين كلمة (( أنا أسف )) من رجل , لأنها صعبه على ألسنتهم , والله يا عمري أغلب رجالنا ما يتأسفون وزوجي من ضمنهم , يهاوش ويزعل وأنا طنااااش أعامله كما الجدار في البيت إذا زعل

وبالنهايه يتندم ويتحسف ويرجع بعد كم ساعه يسولف ويضحك , هذولا عاد رجالنا لازم نبرمج أنفسنا عليهم :)

الله بس لا يخلينا منهم ويخليهم لنا و يحنن قلبوهم علينا آمييييين يا رب

جربي فكرة الرساله وضعيها في مظروف أنيق وعطريها وضعي فوقها ورده وأتركيها على الوساده وأنتي روحي خوذي لك دش أو روحي لأهلك .. أو مثلا أرسليها له عبر الأيميل

وإن لا قدر الله أستهزء ولا أنتقد طنشي يا عمري واتركي الغرفه اللي هو فيها .. اهم شي وسعي الصدر ولا تخلين كلمة منه تجرحك وقوي نفسك لا تصيرين ضعيفه من اي كلمه يقولها , عارفين أن كلامهم يجرح ومثل السكاكين بس ليه اضيق صدري على انتقادات ليس لها اساس من الصحه :)

صح أو أنا غلطااانه :)

بالتوفيق يا عمري

سبحان الله اختي..
انتي مشكلتك نفس مشكلتي..
مايعجبه اكلي..لبسي..ذوقي..مكياجي..اهتماماتي..الخ
اول ماتزوجته خليته يختار لي كل حاجه على ذوقه قلت يمكن
كذا يرتاح ويريح بس شفت السالفه طالت وشمخت بدأ يرفض
رفض تام اني البس او اختار شي للبيت على ذوقي وصار يرفض اي شي من جهتي..ويتعمد الاستهزاء بي وبختياراتي
وقتها قلت خلاص ..حدك لهنا وكفايه :024:
وحطيت قانون.. :mad:
الاشياء اللي تخصني ماله دخل فيها البس واحط فبيتي واقضي
وقتي على كيفي وبالنهايه احسه انعدل شوي..
وصرت اطنش انتقاداته..
وصار آخر انسان افكر آخذ رايه فشي هو زوجي..
اخذ راي اهلي صديقاتي وبس..
خير ياطير على بالهم احنا عبيد لهم مالنا مشاعر واحاسيس

اختي ام كرشة ...
البنت متزوجة من ثلاثة سنين وعندها طفله .. ايش ذنب هذه الطفله اذا عاشت مع ام واب تعساء ؟؟؟
ايش ذنبها تعيش في بيت مافيه حب ولا استقرار ؟؟اكيد الشي هذا راح باثر على نفسيتها ؟؟؟
المفروض يااختي ماتقومين البنت على زوجها .. المفروض تكوني محضر خير ؟؟
ممكن يتصالحو ويصير مافي احسن منه وانتي تطلعي غلطانه ...
اول شي لازم تبدا باسلوب حلو يحنن قلبه عليها مو نبدا ياذابح او مذبوح .. يمكن يكون زوجها عنيد وخرب البيت ويمكن بهالاسلوب الحلو يحس انه مقصر معاها ويتغير 180 درجة واذا الفكرة ماجابت نتيجة ساعتها لها تصرف ثاني وحتى لو مافاد راح اكون محضر خير برضو ؟؟؟
لازم ناخذ رجالنا بالسياسة والحب حتى لو استهزا او مااعطى وجه لكن في قلبه حبها يزيد وتكبر بعينه اكثر واكثر يابنات الرجال مايجو بالعناد ...
ياليت ماتزعلي لكن كلامك فيه تحريض وخراب بيت !!!!