ديمه المطيري :

عدلت الرد ــــــــــــــــــــــــــــــــــــــــــــــــــــ طيب أنا بقول لك شيء فيه شيء يسمونه التصور الباطني عن الذات هذا التصور يظهر على حياتك بشكل واقعي بتقولين لي شلون بقول لك الله سبحانه وتعالي يقول (أنا عند ظن عبدي بي فل يظن عبدي بي ما شاء) يعني اللي تتوقعينه يصيبك غالباً بيصيبك (وما ربك بظلام للعبيد) المهم غاليتي أنت إذا قلت أنا نحس ترى أي موقف يصادفك يصير نحس لأن هذا تصورك المسبق عنه صارت لأخوي قصه يشهد الله أننا كلنا أنصدمنا وضاقت فينا الوسيعه وأنحكم عليه بالسجن ما أقول ظلم لكن لأنه سكت وترك أصحابه يسوون اللي يبون أتهموه بالتستر على منكر وأنسجن 6 شهور وتسجل في صك المحكمه نفس القضيه تبع أصحابه وما كتبوا أنه ساكت وبس وأرسلت نسخه منها للكليه ونسخه لوزارة الدفاع (لأنه تابع لها) ونسخه لوزارة الصحه (لأنه ممكن يعمل فيها) يقول ضاقت فيني الوسيعه وبغيت أشقق ثيابي من القهر ولما دخلت السجن تمنيت أنجن وأفقد عقلي وش بقى المستقبل وأنتهى وأهلي ما عاد أحد بيحترمهم (لأن الناس مالهم إلا ظاهر القضيه) طلع من السجن وماله أمل في شيء وجلس ذيك السنه عاطل وقدر الله أنه يروح مع أمي علاج برى المملكه بذي الفتره يقول فكرت باللي صار لي لقيت أني قربت من الله أكثر وصارت عندي قناعه بالقدر ورضاء ويقين بما قسم الله وتأكد لي أن الله قدر لي الحرمان من الدراسه عشان ابر أمي وأروح معاها لأني في المجال الصحي وأقدر أساعدها وأتفاهم مع الأطباء ذاك الوقت قلب المحنه منحه ورجع السعوديه يقول لقيت أصحابي قدمو لي أعتذار قبل يصدر في حقي فصل أكاديمي والله سهل وقدروا يعدلون صك القضيه بالواقع الفعلي وأرسلوه لنفس الوزارات ودرس الترم الأخير وتخرج الأول على الدفعه (والله على ما أقول شهيد) وتوظف بعدها بفتره رسمي أخوي هذا من بين الكل نقول عنه منحوس وبقووووووووووووووووه تخيلي حدد زواجه بشهر شوال ثاني العيد ولما راح يقدم على القرض قالوا يصدر لك يوم 10/10 يعني بعد الزواج بس هو نفسيته مطاطيه تستقبل الصدمات وتمتصها الحين يقول بأتفق مع العروسه وأهلها أأخر البيت والفرش واللي معي يكفي تكاليف الفرح والأيام الأولى يعني غاليتي حاولي قد ما تقدرين تغيرين تصورك عن واقعك وبالنسبه لأنتظارك للزوج أحب أقول لك تضمنين أن زوجك ما يكون سيء ويصير نذل إذا ضمنتي ذلك فأنت تقدرين تتخيلين واقع مثالي أنا قريت أنه الأنسان لازم يصنع السعاده في حياته الواقعيه وما ينتظر شيء يتغير بحياته يصنع له السعاده وهذا الشيء طبقته بحياتي ولا حظت أثره

عدلت الرد ــــــــــــــــــــــــــــــــــــــــــــــــــــ طيب أنا بقول لك شيء فيه شيء...