نداااااااء عااااااااااااااااجل:
بناااااااات جده وخصوصا سكان شرق الخط السريع
الله يلطف بينا ويرحمنا برحمته ويبعد عنا كل مكروه يارب
احب ابدا لكم القصه من البدايه اليوم كعادتي كاي يوم صحيت عالساعه 12الظهر تقريبا وانتظرت صلاة الظهر وصليت والحمدلله وعالساعه 1 الظهر اتصلت على امي ربي يحفظها تقولي وبصوت عاااالي فين زوجك؟
انا خفت
قلتلها هنا>>لان عنده اجازه من العملقالت خليه يتاكد بسرعه يقولوا بحيرة المسك انفجرت؟؟؟؟؟؟؟؟؟؟؟؟؟
يلا يا بنتي الله يرضى عليكي لمي عفشك وعزالك وتعالي عندي>>اهلي ساكنين بالبساتين
سالتها من فين لك الخبر ياماما تقول جاة خالتي كانت طالعه مكه ووقفوها بالطريق وقالولها بحيرة المسك انفجرت وكلها ساعتين والدنيا كلها تغرق ويالعياذ بالله
المهم قفلت منها وعلى طول رحت بلغت زوجي قال ان شاء الله خير انا الحين اتاكد
واتصلت بعدها على زوجة ابو زوجي لانها ساكنه تحتي وبلغتها مسكينه خاافت
>>صحيتها من نومهاالمهم وبلغت ابو زوجي وبابا طبعا(اللي هو ابو زوجي) قعد يضحك ويقول لو صار لنا شي بنطلع السطوح ههههههههه
المهم ولد عم زوجي يشتغل بالدفاع المدني والله فاتصل عليه زوجي وساله قله احنا ما وصلنا اي شي عن البحيره لكن قفل الحين وانا بجبلك الخبر اليقين وارد عليك
وفعلا كلها ربع ساعه والا هو متصل ويقول البحيره ما انفجرت في بعض المشاكل وللاحتياط اخلو البيت وان شاء الله ماعليكم الا العافيه
المهم---بلغت زوجة ابوه وقرر ابو زوجي وزوجته يطلعوا الطائف>>خافوا على عمرهم
وانا ربي برد على قلبي ونزل علي ضحك ابالغ لو قلت لكم تقريبا فوق الساعتين وانا ميته ضحك من هول الصدمه
وماما كل ربع ساعه تتصل تقولي يابنتي برضايا عليكي جيبي اولادك وزوجك وتعالي اقعدي عندي وانا والله ثم والله يا بنات مو قادره احرك ساكن بس ماسكه هالجوال واحاول اهدي على نفسي باي طريقه اتصل على اي احد اعرفه بالسامر وابلغه باللي صار
وف عز المعمعه زوجي طلع وراح لبحيرة المسك بنفسه
والله العظيم ورجع وانا لسه توي ماسكه شنطة بنتي بحاول احط فيها ملابسها لكن ماودي قلي لاتعبين شنط ولاشي قلتله ليش؟قلي انا توني كنت هناك ومافي لا انفجار ولاشي الامير خالدالفيصل بنفسه والدفاع المدني عند البحيره يتفقدوا الاوضاع الله يجزاهم كل خير واالامن مستتب فماله داعي نطلع من البيت ربنا هو الحامي
والا صااااااااااار تغييير مفاجئ
اتصل ولد عم زوجي على زوجي وقله جبتلك الحكايه بالتفصيلالحكايه ياسيدي انه البحيره اللي بجانب بحيرة المسك لاحظوا بجاااااانبها مو هي نفسها صار فيها تسرب بسيط فكان الخوف انه هالتسرب يوصل لبحيرة المسك ويحصل مالا يتوقع حصوله ويقوم الفيضان فعشان كده الامير والدفاع كانوا هناك بانتظار البلديه تحل المشكله وبالفعل جت البلديه وحلت مشكلة هالتسرب ولامن شاف ولا من دري وانه الاخلاءات اللي تمت بواسطة الدفاع المدني كانت مجرد من باب الاحتياط ولاخذ الحذر من مما لاتحمد عقباه
وانه الامر الحين بالبحيره عال العال وخلك ببيتك والله يحفظك انت واهلك
فبالعقل يا اخواتي هذا ولد عم زوجي ماراح يتمنى الضرر لولد عمه واهل بيته جبلنا الخبر اليقين
بس نبهنا لنقطه مهممممممممممممممممممه انه من الاحتمال لاحظوا احتمااااااال هطول امطار على جده يوم الاربعاء والخميس او الجمعه واذا كانت كثيره فعواقبها غير محموده ولكن نسال الله السلامه
فهااا اناااااااا هنا من بيتي بحي السامر اناااااااااااشد كل بنات جده خصوصا سكان شرق الخط السريع لاداعي للخوف >>الا بذكر الله تطمئن القلوب>>
ومن توكل عالله فهو حسبه
الله يرحمنا برحمته ويبعد عنا الشر ويحسن خاتمتنا ويحفظنا
اللهم اني استودعتك نفسي وولدي وابنتي وزوجي وبيتي وحي السامر باكمله وسكان جده فاحفظنا يالله يامن لاتضيع ودااااااااائعه...
الخوف من الامطار اللي جايه
ربي يجعله خير