انا مهمومه جدا شاكه ان ابني عنده توحد

سلام

امهات انا مهمومه جدا حاسه ان ابني مريض توحد ومو طبيعي مدري شكي بمحله او انا موسوسه

ابني البكر والوحيد عمره سنه و6شهور الله يحفظه يارب

1-مايمشي ولايحبي ولايزحف
2-مايوقف صح يوقف ع كعب رجله واصابعه مرفوعه
3-مايطول بالجلسه
4-مايخاف يعني عادي اوقفه ثم يرمي بنفسه بقوة ع الارض
5-رخو جدا ومايشد روحه إذا حملته
6-مايتكلم ومايفهم كثير احيان مايناظر لعندي اذا ناديت باسمه واحيان عادي يناظر بس مدري عشان اسمه او عشان صوتي ناظر ويفهم كلمة لا وكلمة اعطيني وإذا قلت له شوف هناك او قلت له يعطيني حاجه مو بيده مايعرف
7-يغص ويشرق بالاكل دايم
8-نحيف جدا
9-كثير الامراض
10-ياكل اي شي قدامه حتى لو فاين او تراب مايفرق بين الاكل الزين او الاكل الشين
11-للحين باقي يطلع ريق من فمه

طمنوني الله يطمنكم دنيا وآخره ويفرحكم باطفالكم

ولي موخفني اكثر ان بنت خالي عندها توحد بس خفيف وخايفه ابني يصير زيها طبعا ابني يشبهها مره حتى نفس ضحكتها وبكيتها وتأخر بالحركه والمشي نفسها

وناويه ع هالاسبوع اوديه لعند متخصص وزوجي يشوفه طبيعي جدا عكسي انا

مدري ابني مريض توحد او لا
وكيف يكشفون المرض عند اي تخصص

قبل شوي جالسه اقوله شوف هناك واسولف معه بس ماعرف وجلس يناظر مكان ثاني بعدها حظنته بقوه وجلست ابكي بحرقه خايفه خايفه عليه بالمره

طبعا ابني من يومه ما اخالطه بالاطفال وكمان ماكنت العبه واجلس واسولف معه كنت بس اخليه لحاله يلعب او يشاهد التي في ما انتبهت الا قبل 4شهور عشان كذا قلت يمكن هذا السبب

لاتهملوني الله يخليلكم اطفالكم ويخلي لي ابني يارب