اهلن هلا واغلى غلا لكم
يا محفوظات السلامه..كثير ما نسمع وحده تقول بشرتي رماديه..مافيها نور ولاروح.وكلنا مرينا بحالة الشحوب والاصفرار والكشره...وياشينها من حاله..لاحطيتي ميك اب غديتي كنك ميته متكميجه..وان ماحطيتي..ارتاع عليك كل من شافك وسألك ليش ذبلانه ومصوفره...كلي زين..وخليك من الرشاقه..وتتحطم نفسيتك..وتطلين في المرايه..وتشوفين وجه اعيته اساليبنا الغذائيه الخاطئه واساليبنا الحياتيه المشي حالك..والضغوط النفسيه...والظروف الجويه القاسيه
فلقيتني احوس في النت واقرا الكتب اللي تتكلم عن البشره ونضارتها وكيفية احيائها من جديد...وكل ماهو مفيد للجمال والصحة والجسم بشكل عام
وعرفت اشياء عرفتها بصراحه لأول مره...تعالو وراي::
انا رماديه ليه ياربي؟
كثير مننا تشوف بشرتها ماخذه السحنه الرماديه..وتجيك تصيح..وينكم ياعرب انقذوني..بشرتي تحت القصف الرمادي وانتم لاهين عني..وانا اقول لها.تدرين ليش انتي رماديه ياخلف اهلك..لان جسمك تنقصه (مادة البيوتين)..اللي نقصها مو بس يقلبك رماديه..بل يسهل حفر التجاعيد على بشرتك وجسمك...ويصير جلدك محرشف ونااشف ..وممكن يؤدي لظهور الالتهابات الجلديه..ويبدو الانسان اللي عنده نقص هالماده شاحب وكنه مريض.وتظهر اعراض العصبيه والانزعاج والتوتر على من تنقصه هالماده..وممكن تحصلون هالماده على شكل مستحضر كبسولي من ارمال جي ان سي...ينوخذ حبه كل يوم...ومن اهم فوائد البيوتين مو بس ان بشرتك تاخذ لون صحي جذاب..بل ايضا تصبح ناعمة الملمس وشعرك حريري ...وليكن في علمكم يا حلوات..ان هالماده لها اعداء يقضون عليها...فاحذرو من السكر الابيض المكرر والالوان الصناعيه ..والمنكهات الصناعيه..
ومن اهم العناصر الغذائيه اللي تكسب الجلد نعومه ومرونه وليونه ورونق..مادة (الكبريت)..واهم شي انه يقوي مناعة الجسم ومناعة الجلد ايضا...بصراحه يا عزيزاتي اول مره اسمع ان الكبريت ينوجد في الاكل وانه مهم جدن جدن....ينوجد بفول الصويا..والثوم...وصفار البيض...كما ان هالماده تباع على هيئة كبسولات كمكمل غذائي..ممكن تناوله من مرتين الى ثلاث مرات يوميا..عشان كذا شركات التجميل المشهوره تنتج كريمات البشره مزوده بالكبريت..بس ابدن مافيها اي فايده..لان الفائده تكمن في تناول هالماده وتعزيزها داخل الجسم
ا(لكولاجين) اهم عناصر مكونه للبشره الفتيه النضره الجذابه الفتانه اللماعه..والنقص فيها معناته ذبول في البشره وفقدان نضارتها وارسال دعوه حاره للشيخوخه المبكره عشان تزورك وتقضب ارضها عندك..وطبعا السؤال وشلون اكوّن كولاجيني..بنقولك لاوم يتوافر في جسمك اربعة عناصر يالغاليه..واللي هي: ((فيتامين أ..فيتامين سي...فيتامين ها..وعنصر السيلينيوم))..طبعا هالعناصر تتوفر في الخضار بانواعها والشمام والبطيخ والمشمش والجزر والملفوف والخس ومسحوق البابريكا الاحمروالزهره والبروكلي والكراث والقرع والفاصوليا..والكيوي والليمون والتفاح والثوم والفطر والاجبان والبيض..وهالعناصر سلمكم الله تسمى الفيتامينات المضاده للاكسده..وممكن لو عجازين زيي تأخذونها على شكل حبوب او كبسولات من الصيدليات او جي ان سي..
واعرفي يا عزيزتي ان تكوين الكولاجين وتعزيزه في الجسم ايضا يتطلب توفر عناصر الزنك +فيتامين سي.+ احماض امينيه...
.فلازم توفرين الزنك وفيتامين سي على شكل كبسولات او حبوب...اضيفي لهالشيء النوم في الليل...مهم جدن النوم في الليل لتكوين الكولاجين..يعني نوم النهار خرطي
اما انتاج الاحماض الامينيه فحله ابسط مما تصورت..فقط اعصري ليمونه ابو زهير على نصف كاسة مويه واشربيها قبل كل وجبه..وابشري بالاحماض الامينيه تدهر في جسمك..وان ماحصلتي ليمون ملعقه من خل التفاح مع نص كاسة مويه تفي بالغرض..قبل كل وجبه
واتذكرو يا بنات..ان فقد جلدنا للكولاجين يفقده حيويته ..وايضا لما نفقد الاحماض الامينيه من جسمنا تفقد اعضاؤنا مثل القلب والكبد والكلى والدماغ حيوية وظائفهم ..وبتوفر الكولاجين والاحماض الامينيه بغذائنا...وتوفيره داخل جسمنا..موبس تكون بشراتنا احلى وغنية بالكولاجين..ايضا بنلاحظ تخفيف السلولايت من الجسم..لاننا قوينا نسيج بشراتنا بتوفير هالمواد..وعشان تنجح عملية تخفيف السلولايت اشربو ماء بكثره ومارسو رياضه المشي على اقل تقدير..
ايضا ان اثارة مادة الكولاجين في الجسم تتم بعملية سهله يمكن اكثرنا غافل عنها بس لها نتائج فتاكه وهو تعريض الجسم لتيارات متعاقبه من الماء البارد والحار اثناء الدوش اليومي اللي ناخذه..فعشان كذا الين تحممتو..خلو المويه مره حاره مره بارده ..هالحركه تفرز الكولاجين في الجسم بشكل كبير..ماتلاحظون الاندونيسين والشرق اسيويين بشكل عام يتحممون بهالشكل فنلاحظ بشراتهم مشدوده وصقيله وماتعجز بسرعه
واعرفو حاجه مهمه جدن..ان نضارة بشرة الوجه وجلد الجسم عموما..يكون نتيجه حتميه لزيادة دوران الدم في الوجه والجسم....لان نشاط هالدوران ينقل الفيتامينات والبروتينات الى الوجه والجلد مباشرهوعشان يدور دمك ويدهر في وجهك وجسمك اعملي حاجتين:
اولها...عرضي وجهك وجسمك للتيارات الساخنه والبارده من الماء...اثناء استحمامك اليومي...بشكل يومي زي ماذكرت سابقا
ثانيها:تناولي اطعمه تحتوي على مواد تحث الدم على الدوران والانسياب في الوجه والجسم بشكل رائع...مثل: البصل..الثوم.الكراث..الببريكااو الشطه..الفجل الاحمر..واشربي كل يوم زي ما ذكرنا سابقا عصير ليمونة ابو زهير على نص كاسة مويه قبل كل وجبه..او استبداله بملعقة من خل التفاح..ومارسي رياضة المشي بشكل يومي
اما اللي يبطيء الدوره الدمويه اللازمه للنضاره ...وتجعل الدم سميكا وثقيل دم..فهي السكر...والحلويات...والخبز الابيض..والسجق...المايونيز...الوجبات الجاهزه..والوجبات اللي تعد في الميكرويف...الطحينه.....فتجنبيها عشان تسترجعين نضارتك
واخر شي في موضوع النضاره والبشره الرايقه..اضافه ..من واقع تجربه حقيقيه ونتيجه حلوه وخاقوقيه ..هو شرب عصير الطماطم الطازج مرتين يوميا..وشرب كاسة عصير عنب اسود مره يوميا..وكاسة عصير برتقال مره يوميا وتناول تفاحتين على مدار اليوم..وتناول الفيتامينات المكمله.+.والحديد..+ حبوب تراي بي+ حمض الفوليك..
بس انتبهو اعملو تحليل دم وشوفو وش اللي ينقصكم من فيتامينات عشان تاخذون اللي ينقص دمكم وبس...
و بعد البشره المرمده.وحلها.....تجينا مشكله (الشعر )الناشف والباهت والتعبان والمتساقط والاظافر المقصفه
تدرون ان التعرض للمطر..يقوي الشعر ويغذيه لان فيه فيتامينات مهمه للشعر
<هنا احياء سنه مهمه
عن أنس ـ رضي الله عنه ـ قال: أصابنا مع رسول الله ـ صلى الله عليه وسلم ـ مطر .
قال: فحسر رسول الله ـ صلى الله عليه وسلم ـ عن ثوبه حتى أصابه من المطر ،
فقلنا: يا رسول الله! لم صنعت هذا؟ قال: (( لأنه حديث عهد بربه)) .>
تدرين ياعزيزتي ان شعرك يحتاج بس فيتامين ب2..وفيتامين ب5.. وفيتامين ب6 وفيتامين سي والزنك عشان يكون هيلثي وقوي .
.وتلاقين عناصر فيتامين ب في الحليب والسمك وخضروات السلطه...والموز ووالكاجو..وانصحك بحبوب (تراي بي) يتوفر فيها فيتامينات ب
.والحمضيات كافه يتوفر فيها فيتامين سي...
والزنك ضروري جدن توفره في الجسم..مو بس للشعر ..انما هو مهم للاجهاد النفسي..والقريدس مصدر للزنك والشوفان مصدر نباتي للزنك...عشان كذا لما نمر في حالات اجهاد نفسي وتوتر ومشاكل....نلاحظ اننا ايضا نعاني من تساقط الشعر..لان زنكنا قليييل في اجسامنا..فكثرو زنككم الله يرضى عليكم
وعموما تتوافر هاذي العناصر على شكل كبسولات في الصيدليات مما يسهل امر حصول الجسم عليها بشكل ممتاز الى جانب تعزيزه بالغذاء المحتوي عليها..اذا استمريتي عزيزتي في تناول هالعناصر ستين يوم متتاليه بتحصلين على شعر متحسن بشكل مذهل ونفسيه عاليه ..وهالشيء يساعد كثير في تأخير ظهور الشيب في الشعر
ايضا اكرر مارسي رياضة المشي..اللي تساعد على زيادة الاوكسجين في الجسم مما ينشط تكوين الحديد والزنك وفيتامين ب...مما يقوي ويفيد شعرك ونفسيتك..
اما (الاظافر):
فهشاشتها ترجع لنقص مادة الكيراتين والبروتينات..اول حل عجائبي لهشاشة الاظافر...كما ذكرنا سابقا..اعصري ليمونه ابو زهير على نص كاسة مويه قبل كل وجبه او ملعقة خل تفاح على نص كاسة مويه قبل كل وجبه...لان فيتامين سي يساعد على تفكيك البروتينات والاحماض الامينيه وارسالها في الدم..وهذا يساعد على نمو الاظافر بشكل قوي..اضيفي لهالشي ..تناولك دواء (البينا كريتين.).اللي تجيبينه من الصيدليه واستعمليه لمدة شهر...وستذهلك النتيجه..اظافرسليمه لاتتكسر.....وبتلاحظين ملاحظه مهمه مااره..ان البراز يصير عديم الرائحه..وهذا يدل ان سلامة الجهاز الهضي يعني سلامة الاظافر
اما مشكلة الخطوط البيضاء في الاظافر فحلها سهل جدن..وهو تناول حبوب الزنك..
اما مشكلة الشقوق والاخاديد في الاظافر ..فهذا يعني نقص في البروتين...وفيتامين أ...والحل زي ما انذكر سابقا..عصير ليمونة ابو زهير مع نص كاسة مويه قبل كل وجبه....والاكثار من تناول الفواكه والجزر....او اخذ فيتامين أ على شكل حبوب من الصيدليه..
اما مشكله تسطح الاظافر..فهو يعني نقص الحديد في الجسم..وممكن تعويض نقصه بكبسولات الحديد زي (الفيرو قلوبين)
المووضووع منقووول من الاخت المهاة
كبـريـآء أنثــى..~ @kbryaaa_anth_19
عضوة نشيطة
هذا الموضوع مغلق.
ملاكـ الورد
•
مشكوره وعورتني عيوني هههههههههههههههههههى امزح لاتزعلين:35:
كبرياء انثى ...يسلمو مرة على الموووضوع
فعلا احنا دايما نعالج االأثار من غير من عالج سبب المشكلة
بس دخت وانا اقرا...عنوني عورني
فعلا احنا دايما نعالج االأثار من غير من عالج سبب المشكلة
بس دخت وانا اقرا...عنوني عورني
ملاك الورد... حراام عليك ابغى يطلع شكله حلوو ويفتح نفسكم للقراءه عاااتي عاتي مقبووله منك قلبوو.
رورو99... وياك يارب
ياااااحلووين... اكمل ولا ماتبغون:27:
رورو99... وياك يارب
ياااااحلووين... اكمل ولا ماتبغون:27:
الصفحة الأخيرة